يران استاناسى تەگەراندا ەلدىڭ بۇرىنعى جوعارى كوشباسشىسى ءالي حامەنەيمەن قوشتاسۋ ءراسىمى باستالدى، دەپ حابارلايدى "ادىرنا" ۇلتتىق پورتالى.
ول اقش پەن ءيزرايلدىڭ اسكەري سوققىلارى سالدارىنان قازا تاپقان.
مەملەكەتتىك تەلەارنا تاراتقان كادرلاردا مارقۇمنىڭ تابىتى تەگەرانداعى موساللا مەشىتىنە قويىلعانى كورسەتىلدى. حامەنەيمەن بىرگە ءيزرايلدىڭ اۋە شابۋىلىنان قازا تاپقان ونىڭ وتباسىنىڭ ءتورت مۇشەسى – قىزى، كۇيەۋ بالاسى، كەلىنى جانە نەمەرەسى دە جەرلەنەدى.
يران بيلىگىنىڭ مالىمەتىنشە، تەگەرانداعى قارالى راسىمگە 15-20 ميلليونعا دەيىن ادام قاتىسۋى مۇمكىن. وسىعان بايلانىستى قاۋىپسىزدىك شارالارى كۇشەيتىلىپ، كەشەنگە كىرۋ ارنايى رۇقسات ارقىلى جۇزەگە اسىرىلىپ جاتىر.
مەشىت الدىنا جينالعان جۇرت قۇران باعىشتاپ، قارالى راسىمدەرگە قاتىستى. كەيبىر ازاماتتار ۇلتتىق كيىممەن كەلىپ، ءداستۇرلى ازا تۇتۋ راسىمدەرىن ورىندادى.
قوشتاسۋ راسىمىنە قىتاي، رەسەي، بەلارۋس، يراك، تۇرىكمەنستان جانە باسقا دا مەملەكەتتەردىڭ رەسمي دەلەگاتسيالارى قاتىستى.
رەسمي جوسپارعا سايكەس، حامەنەيدىڭ دەنەسى ءۇش كۇن بويى تەگەراندا بولادى. كەيىن قارالى راسىمدەر قۇم قالاسى مەن يراكتا جالعاسادى. ال 9 شىلدەدە ول تۋعان قالاسى ماشھادتە، يمام رەزا كەسەنەسىنىڭ ماڭىنا جەرلەنەدى.
ايتا كەتەيىك، قوشتاسۋ راسىمىنە قازاقستاننىڭ سىرتقى ىستەر ءمينيسترى ەرمەك كوشەرباەۆ قاتىسقان.
