پاۆلودار قالاسىندا جەدەل جاردەم كولىگى جاياۋ جۇرگىنشىنى قاعىپ كەتتى، دەپ حابارلايدى “ادىرنا” ۇلتتىق پورتالى.
وقيعا اكادەميك ساتباەۆ كوشەسىندەگى رەتتەلمەيتىن جاياۋ جۇرگىنشىلەر وتكەلىندە بولعان.
الدىن الا مالىمەتكە سايكەس، رەانيموبيل ءبىرىنشى ساناتتاعى شۇعىل شاقىرتۋعا بارا جاتقان. ارنايى كولىكتىڭ جارىق جانە دىبىس بەلگىلەرى قوسۋلى بولعان.
103 قىزمەتىنىڭ مالىمەتىنشە، جەدەل جاردەم كولىگى جاياۋ جۇرگىنشىلەر جولاعى ارقىلى ءوتىپ بارا جاتقان كەزدە جاياۋ جۇرگىنشى جولعا شىققان. سونىڭ سالدارىنان ايەل ادامدى كولىك قاعىپ كەتكەن.
وقيعادان كەيىن جەدەل جاردەم قىزمەتكەرلەرى زارداپ شەگۋشىگە وقيعا ورنىندا العاشقى مەديتسينالىق كومەك كورسەتىپ، كەيىن پاۆلودار قالالىق №1 اۋرۋحاناسىنا جەتكىزگەن. ال باستاپقى شۇعىل شاقىرتۋ باسقا جەدەل جاردەم بريگاداسىنا بەرىلگەن.
قازىر جول-كولىك وقيعاسىنىڭ بارلىق ءمان-جايىن پوليتسيا انىقتاپ جاتىر. قۇقىق قورعاۋ ورگاندارى رەانيموبيل جۇرگىزۋشىسىنىڭ ارەكەتىنە قۇقىقتىق باعا بەرەدى.
