Pavlodar qalasynda jedel järdem kölıgı jaiau jürgınşını qaǧyp kettı, dep habarlaidy “Adyrna” ūlttyq portaly.
Oqiǧa Akademik Sätbaev köşesındegı rettelmeitın jaiau jürgınşıler ötkelınde bolǧan.
Aldyn ala mälımetke säikes, reanimobil bırınşı sanattaǧy şūǧyl şaqyrtuǧa bara jatqan. Arnaiy kölıktıŋ jaryq jäne dybys belgılerı qosuly bolǧan.
103 qyzmetınıŋ mälımetınşe, jedel järdem kölıgı jaiau jürgınşıler jolaǧy arqyly ötıp bara jatqan kezde jaiau jürgınşı jolǧa şyqqan. Sonyŋ saldarynan äiel adamdy kölık qaǧyp ketken.
Oqiǧadan keiın jedel järdem qyzmetkerlerı zardap şeguşıge oqiǧa ornynda alǧaşqy medisinalyq kömek körsetıp, keiın Pavlodar qalalyq №1 auruhanasyna jetkızgen. Al bastapqy şūǧyl şaqyrtu basqa jedel järdem brigadasyna berılgen.
Qazır jol-kölık oqiǧasynyŋ barlyq män-jaiyn polisiia anyqtap jatyr. Qūqyq qorǧau organdary reanimobil jürgızuşısınıŋ äreketıne qūqyqtyq baǧa beredı.
