Almaty qalasynda jetı jastaǧy Aizere İbraevanyŋ ölımıne sebep bolǧan jük kölıgınıŋ jürgızuşısı merzımınen būryn bostandyqqa şyqty, dep habarlaidy "Adyrna" ūlttyq portaly.
BAQ-ta taraǧan mälımetke säikes, sot jürgızuşınıŋ jazasynyŋ ötelmegen bölıgın aiyppūlmen almastyru turaly şeşım qabyldaǧan.
Qaiǧyly oqiǧa ötken jyldyŋ 2 säuırınde Almatynyŋ Qarasu şaǧynaudanynda bolǧan. Sabaqtan üiıne qaityp kele jatqan jetı jastaǧy oquşy jaiau jürgınşıler ötkelı arqyly joldan ötpek bolǧan. Sol sätte qarsy bette qyzdyŋ anasy kütıp tūrǧan. Kenet jolǧa avtobus şyǧyp ketkennen keiın qorqyp qalǧan bala artqa şegıngen. Osy kezde «Reno» markaly jük kölıgı qozǧalyp ketıp, qyzdy qaǧyp ketken. Oquşy oqiǧa ornynda köz jūmǧan.
Atalǧan derek boiynşa abaisyzda adam ölımıne äkelgen jol qozǧalysy erejesın būzu faktısı boiynşa qylmystyq ıs qozǧalǧan. 66 jastaǧy jürgızuşı ekı jyl alty aiǧa bas bostandyǧynan aiyrylǧan edı. Alaida bır jyldan keiın jazanyŋ qalǧan bölıgı aiyppūlmen almastyrylyp, jürgızuşı bosatylǧan. Sonymen qatar ol bes jyl merzımge kölık jürgızu qūqyǧynan aiyryldy.
Bastapqyda marqūm qyzdyŋ ata-anasy 18,2 million teŋge kölemınde moraldyq ötemaqy talap etken. Alaida apelliasiialyq sot būl somany 5,5 million teŋgege deiın qysqartqan.
