موڭعوليادا دۇنيەجۇزىلىك تۇلپار كۇنى قارساڭىندا «كۇن قاناتتى ارعىماق» اتتى مونۋمەنتالدى كەشەننىڭ اشىلۋ ءراسىمى ءوتتى، دەپ حابارلايدى "ادىرنا" ۇلتتىق پورتالى.
ەسكەرتكىش - موڭعوليانىڭ ەڭبەك سىڭىرگەن سۋرەتشىسى ءارى ءمۇسىنشىسى ا. وچيربولدتىڭ تۋىندىسى. «كۇن تۇلپارى» موڭعوليانى جىلقى شارۋاشىلىعىنىڭ الەمدىك مۇراسى ساقتالعان ەل رەتىندە تانىتاتىن بىرەگەي ونەر تۋىندىسى سانالادى.
ونىڭ سالتاناتتى اشىلۋ ءراسىمى 8 شىلدە كۇنى وتكەن. جوبانى موڭعوليانىڭ ات سپورتى فەدەراتسياسى مەن جىلقى وسىرۋشىلەر وداعى قارجىلاندىرعان. جاڭا مونۋمەنت دۇنيەجۇزىلىك تۇلپار كۇنىنىڭ رەسمي سيمۆولىنا اينالىپ، ەلگە كەلەتىن شەتەلدىك قوناقتار مەن تۋريستەر تاماشالايتىن ماڭىزدى مادەني نىسانداردىڭ ءبىرى بولماق.
ايتا كەتەيىك، 2025 جىلدىڭ 3 ماۋسىمىندا بۇۇ باس اسسامبلەياسىنىڭ 79-سەسسياسىندا موڭعوليا پرەزيدەنتى ۋحنااگين حۇرەلسۇحتىڭ باستاماسىمەن 11 شىلدە – دۇنيەجۇزىلىك تۇلپار كۇنى بولىپ جاريالانعان ەدى.
