مەملەكەت باسشىسى قاسىم-جومارت توقاەۆ موڭعوليا پرەزيدەنتى ۋحنااگين حۋرەلسۋحتى ناادام مەرەكەسىمەن قۇتتىقتاپ، جەدەلحات جولدادى. بۇل تۋرالى اقوردا جازدى، دەپ حابارلايدى "ادىرنا".
"قاسىم-جومارت توقاەۆ ۋحنااگين حۋرەلسۋحتى ناادام ۇلتتىق مەرەكەسىمەن قۇتتىقتادى. پرەزيدەنت موڭعوليانىڭ ۋحنااگين حۋرەلسۋحتىڭ باسشىلىعىمەن قارقىندى دامىپ كەلە جاتقانىن اتاپ ءوتىپ، ەكى ەلدىڭ دوستىق قاتىناستارى مەن سان قىرلى ىنتىماقتاستىعى بەكي تۇسەتىنىنە سەنىم ءبىلدىردى.قاسىم-جومارت توقاەۆ موڭعوليا پرەزيدەنتىنىڭ جاۋاپتى مەملەكەتتىك قىزمەتىنە تابىس، ال دوستاس موڭعول حالقىنا باق-بەرەكە تىلەدى", - دەلىنگەن جەدەلحاتتا.
بۇعان دەيىن موڭعوليادا موڭعول مەملەكەتىنىڭ قۇرىلعانىنا موڭعوليادا العاشقى موڭعول مەملەكەتىنىڭ قۇرىلعانىنا – 2235 جىل، ۇلى موڭعول يمپەرياسىنىڭ قۇرىلعانىنا – 820 جىل، ۇلتتىق ەگەمەندىك پەن تاۋەلسىزدىكتىڭ قالپىنا كەلتىرىلگەنىنە – 115 جىل، حالىق رەۆوليۋتسياسىنىڭ جەڭىسىنە – 105 جىل جانە دەموكراتيالىق رەۆوليۋتسيانىڭ جەڭىسىنە 36 جىل تولۋىنا ارنالعان ۇلتتىق ناادام مەرەكەسى اتالىپ وتۋدە.
ناادام — موڭعوليانىڭ ەڭ باستى ۇلتتىق مەرەكەسى جانە سپورتتىق فەستيۆالى. جىل سايىن شىلدە ايىندا اتاپ وتىلەتىن مەرەكەنىڭ ماعىناسى ويىن-ساۋىق، توي-دۋمان دەگەندى بىلدىرەدى. بۇل مەرەكەنىڭ نەگىزگى وزەگى — «ەرلەردىڭ ءۇش ويىنى» (موڭعولشا: ەرين گۋرۆان ناادام) دەپ اتالاتىن ءداستۇرلى سپورت تۇرلەرى: ۇلتتىق كۇرەس، بايگە، ساداق اتۋ. ناادام — تەك سپورتتىق جارىس قانا ەمەس، موڭعول حالقىنىڭ كوشپەلى مادەنيەتىن، تاريحىن، ءان-كۇيى مەن سالت-ءداستۇرىن پاش ەتەتىن ۇلكەن مادەني فەستيۆال. بۇل مەرەكە يۋنەسكو-نىڭ ادامزاتتىڭ ماتەريالدىق ەمەس مادەني مۇرالار تىزىمىنە ەنگىزىلگەن.
