Memleket basşysy Qasym-Jomart Toqaev Moŋǧoliia prezidentı Uhnaagiin Hurelsuhty Naadam merekesımen qūttyqtap, jedelhat joldady. Būl turaly Aqorda jazdy, dep habarlaidy "Adyrna".
"Qasym-Jomart Toqaev Uhnaagiin Hurelsuhty Naadam ūlttyq merekesımen qūttyqtady. Prezident Moŋǧoliianyŋ Uhnaagiin Hurelsuhtyŋ basşylyǧymen qarqyndy damyp kele jatqanyn atap ötıp, ekı eldıŋ dostyq qatynastary men san qyrly yntymaqtastyǧy beki tüsetınıne senım bıldırdı.Qasym-Jomart Toqaev Moŋǧoliia Prezidentınıŋ jauapty memlekettık qyzmetıne tabys, al dostas moŋǧol halqyna baq-bereke tıledı", - delıngen jedelhatta.
Būǧan deiın Moŋǧoliiada Moŋǧol memleketınıŋ qūrylǧanyna Moŋǧoliiada alǧaşqy Moŋǧol memleketınıŋ qūrylǧanyna – 2235 jyl, Ūly Moŋǧol imperiiasynyŋ qūrylǧanyna – 820 jyl, ūlttyq egemendık pen täuelsızdıktıŋ qalpyna keltırılgenıne – 115 jyl, Halyq revoliusiiasynyŋ jeŋısıne – 105 jyl jäne Demokratiialyq revoliusiianyŋ jeŋısıne 36 jyl toluyna arnalǧan Ūlttyq Naadam merekesı atalyp ötude.
Naadam — Moŋǧoliianyŋ eŋ basty ūlttyq merekesı jäne sporttyq festivalı. Jyl saiyn şılde aiynda atap ötıletın merekenıŋ maǧynasy oiyn-sauyq, toi-duman degendı bıldıredı. Būl merekenıŋ negızgı özegı — «erlerdıŋ üş oiyny» (moŋǧolşa: eriin gurvan naadam) dep atalatyn dästürlı sport türlerı: ūlttyq küres, bäige, sadaq atu. Naadam — tek sporttyq jarys qana emes, moŋǧol halqynyŋ köşpelı mädenietın, tarihyn, än-küiı men salt-dästürın paş etetın ülken mädeni festival. Būl mereke IýNESKO-nyŋ adamzattyŋ materialdyq emes mädeni mūralar tızımıne engızılgen.
