Memleket basshysy Qasym-Jomart Toqaev sheıh Támım ben Hamad Ál Tánıdi jáne Qatar halqyn ulttyq merekesimen quttyqtady, dep habarlaıdy “Adyrna” ulttyq portaly.
«Búginde elińiz ekonomıkasy qarqyndy damyǵan, óńirlik jáne jahandyq turǵydan keńinen moıyndalǵan halyqaralyq qaýymdastyqtyń bedeldi múshesi retinde tanyldy. Ásirese, Sizdiń basshylyǵyńyzben júrgizilip jatqan bitimgerlik bastamalar men álemdik deńgeıdegi sharalar osyǵan dálel bola alady. Osy tusta Sizdiń syndarly kóshbasshylyǵyńyzben elińiz aldaǵy ýaqytta da órkendep, maqsat-murattarǵa jete beretinine senimdimin. Qatar Qazaqstannyń arab álemindegi senimdi ári basty seriktesteriniń birine aınalyp, syndarly da mazmundy qatynastarymyzdyń nyǵaıa túskenin erekshe atap ótemin. Bolashaqta dástúrli dostyq pen baýyrlastyq rýhyndaǵy berik yntymaqtastyǵymyz jalǵasyn taýyp, halyqtarymyzdyń ıgiligi úshin qarqyndy damı beretinine zor úmit artamyn», – dep jazylǵan jedelhatta.
Qasym-Jomart Toqaev sheıh Támım ben Hamad Ál Tánıdiń jaýapty qyzmetine tolaǵaı tabys, al Qatar halqyna baq-bereke tiledi.
