Prezident Qasym-Jomart Toqaev Jaŋa Salyq Kodeksıne qol qoidy. Būl turaly Aqorda jazdy, dep habarlaidy"Adyrna".
«Memleket basşysy jaŋa Salyq kodeksıne jäne «Qazaqstan Respublikasynyŋ keibır zaŋnamalyq aktılerıne salyq salu mäselelerı boiynşa özgerıster men tolyqtyrular engızu turaly» Zaŋǧa qol qoidy», – delıngen Aqorda habarlamasynda.
Salyq kodeksı salyqtyq äkımşılendırudı jeŋıldetpek.
Jaŋa kodekske säikes salyq eseptılıgınıŋ kölemı 30 paiyzǧa, salyq sany 20%-ǧa azaiady. Būdan bölek jeŋıldıkter men alym türlerı de oŋtailandyrylmaq.
«Eleulı özgerıster korporativtık jäne jeke tabys salyqtarynan bastap investisiialardy yntalandyru jäne salyq jüktemesın qaita bölu sekıldı barlyq negızgı baǧytty qamtidy», – delıngen Aqorda habarlamasynda.
Jaŋa Salyq kodeksınıŋ basty jaŋalyǧy qosylǧan qūn salyǧynyŋ (QQS) 12%-dan 16%-ǧa köterıluınde.
Sonymen bırge mynadai özgerıster engızılmek:
- Būdan bölek därı-därmek pen medisinalyq qyzmetterge QQS mölşerı tömendetılgen. Ol 2026 jyly 5% bolsa, 2027 jyly – 10% bolady.
- TMKKK jäne MÄMS aiasyndaǧy qyzmetter QQS-tan bosatylady;
- Orfandyq jäne äleumettık mänı bar aurulardy emdeu – QQS-tan bosatylady;
- Arheologiialyq jūmystar men kıtap basyp şyǧaru – QQS-tan bosatylady.
- Bıryŋǧai zeinetaqy jinaqtauşy qorynan (BZJQ) tölenetın zeinetaqy tölemderı jeke tabys salyǧynan (JTS) bosatylady;
- Paidalanylu merzımı 10 jyldan joǧary avtomobilder üşın kölık qūraly salyǧy tömendetıledı;
- Mügedektıgı bar adamdarǧa äleumettık salyqtyq şegerımder 882-den 5000 AEK-ke deiın ūlǧaitylmaq.
Kodeks 2026 jyldyŋ 1 qaŋtarynan bastap küşıne enedı.
