Serbiianyŋ RTV qoǧamdyq telearnasy el prezidentı Aleksandr Vuchich bilık qūrǧan jyldary bırjaqty aqparat taratyp, bırqatar oqiǧaǧa köz jūmyp qaraǧany üşın körermenderden keşırım sūrady, dep habarlaidy "Adyrna".
Būl turaly arnanyŋ Dnevnik jaŋalyqtar baǧdarlamasynda mälım boldy.
26 qazanda efirge şyqqan jaŋalyqtar baǧdarlamasynda Serbiia tūrǧyndarynyŋ parlament sailauynda «Studentter tızımı» qozǧalysynyŋ jeŋısın atap ötıp jatqan sätterı körsetıldı. Osydan keiın baǧdarlamanyŋ jürgızuşısı Goran Eror tıkelei efirde körermenderge arnanyŋ būrynǧy aqparat taratu saiasaty üşın keşırım aitty.
«Qoǧamdyq telearna köptegen jyl boiy öz mındetın atqarmady. Ünsız qaldy, keibır jaittarǧa köz jūmdy, bırjaqty aqparat taratty, oqiǧalardy syni tūrǧydan taldamai körsettı, maŋyzdy sūraqtardy qoimady nemese mülde sūraq qoimady. Sol üşın körermennen keşırım sūrauymyz kerek», – dedı ol.
Jürgızuşınıŋ aituynşa, RTV-dıŋ keibır qyzmetkerlerı jurnalister men redaktorlardyŋ erkın jūmys ısteuı üşın küreskenımen, būl küreste uaqytynda jeŋıske jete almaǧan. Ol atalǧan jūmysty jalǧastyru maŋyzdy ekenın atap öttı.
Osy mälımdemeden keiın RTV telearnasynyŋ bırınşı baǧdarlamasynyŋ bas redaktory mındetın atqaruşy Nenad Chachich qyzmetınen kettı. Onyŋ ornyna Blajo Popovich taǧaiyndaldy. «Täuelsızdık» käsıpodaǧy būǧan deiın bır jyl boiy basşylyqtyŋ auysuyn talap etıp, telearnany täuelsızdıgın joǧaltty jäne bilıktıŋ müddesıne qyzmet ettı dep aiyptaǧan.
