Prezident Jetısu oblysynyŋ äkımı Beibıt İsabaevty qabyldady

1557
Adyrna.kz Telegram
https://adyrna.kz/content/uploads/2024/09/c25c8fd7-65bc-44d8-9eef-f93250f2b72b.jpeg

Memleket basşysy Qasym-Jomart Toqaev Jetısu oblysynyŋ äkımı Beibıt İsabaevty qabyldady. Būl turaly Aqorda jariialady, dep habarlaidy “Adyrna” ūlttyq portaly. 

Beibıt İsabaev öŋırdıŋ biylǧy 7 aidaǧy äleumettık-ekonomikalyq damuynyŋ qorytyndylary turaly esep berıp, aldaǧy jospary tanystyrdy. Prezidentke 2024 jyldyŋ qaŋtar-şılde ailarynda qysqa merzımdı ekonomikalyq indikator 112,4 paiyzdy qūraǧany baiandaldy. Oblysqa 188,2 milliard teŋge investisiia tartyldy, sonyŋ ışınde jeke investisiianyŋ mölşerı 136,7 milliard teŋgege jettı. Beibıt İsabaevtyŋ aituynşa, aimaq ekonomikasynyŋ agrarlyq salaǧa negızdelgenın eskere otyryp, paidalanylmaǧan jerlerdı qaitaru jäne ainalymǧa engızu şaralaryna, «Auyl amanaty» baǧdarlamasyn jüzege asyru, qant öndırısın damytu mäselelerıne basa män berılgen. Memleket basşysyna önerkäsıp öndırısın örkendetu, öŋırge investisiia tartu jaiynda mälımet berıldı. Atap aitqanda, bırqatar perspektivtı investisiialyq joba ıske asyrylyp jatyr. Olardyŋ qatarynda Kerbūlaq audanyndaǧy metallurgiia kombinaty, «Qorǧas – Şyǧys qaqpasy» arnaiy ekonomikalyq aimaǧyndaǧy «Qazaqstan-Qytai halyqaralyq önerkäsıp qalasy» industrialdy parkı, Joŋǧar qaqpasy aumaǧyndaǧy quaty 1 GVt bolatyn jel elektr stansiiasy siiaqty ırı jobalar bar. Öŋırdıŋ kölık-logistikalyq jäne tranzittık äleuetın arttyru üşın jüielı jūmystar qolǧa alynǧan. Qasym-Jomart Toqaevqa tūrǧyn üi-kommunaldyq şaruaşylyq salasynyŋ jai-küiı turaly aityldy. Oblys äkımınıŋ sözınşe, jyl soŋyna deiın öŋırdı gazben qamtu deŋgeiı 56,5 paiyzǧa jetedı. 2028 jylǧa qarai Jetısu oblysy kögıldır otynmen tolyq qamtylady dep kütılıp otyr. Soŋǧy 2 jylda oblysta 86 äleumettık infraqūrylym nysany salynyp, jöndeuden ötken. Prezidentke tūrǧyn üi jäne jol qūrylysy, turizmdı damytu jaiynda aqparat berıldı. Jalpy Jetısudyŋ turistık baǧyty Alaköl, Balqaş kölderı, «Altynemel», «Joŋǧar Alatauy» ūlttyq parkterı, Joŋǧar Alatauynyŋ tau massivterı sekıldı halyq jiı baratyn oryndardyŋ äleuetıne iek artady. Ekologiialyq turizmdı damytu maqsatynda Būrhanbūlaq sarqyramasy men Jasylkölge aparatyn jol salu josparlanǧan. Kezdesu soŋynda Memleket basşysy öŋırdı äleumettık-ekonomikalyq tūrǧydan damytu jäne halyqtyŋ äl-auqatyn jaqsartu baǧytyndaǧy jūmystardy odan ärı jalǧastyrudy tapsyrdy.
Pıkırler