Qazaqstan Prezıdenti Qasym-Jomart Toqaev pen Reseı prezıdenti Vladımır Pýtın Qazaqstan men Reseıdiń XIX Óńiraralyq yntymaqtastyq forýmyna beınebaılanys rejıminde qatysyp jatyr, dep habarlaıdy “Adyrna” ulttyq portaly.
Qazaqstan azyq-túlik qaýipsizdigi jónindegi ıslam uıymynyń negizin qalaýshylardyń biri. Búgingi tańda onyń quramyna jalpy halqy shamamen bir jarym mıllıard adam jáne 37 memleket kiredi. Bizdiń elderimiz osy úlken naryqta sertıfıkattalǵan halal ónimderiniń eksportyn birlesip ilgerilete alar edi. Biz reseılik bıznesti osy baǵytta tyǵyz yntymaqtastyqqa shaqyramyz, – dedi Toqaev.
Sondaı-aq, Toqaev Qazaqstan men Reseı ekonomıkanyń barlyq derlik salasynda ózara yntymaqtasa jumys isteıtinin aıtty.
Onyń aıtýynsha, Reseımen saýda-ekonomıka, ınvestıııa, ónerkásiptik kooperaııa salasynda ózara is-qımyl jyldan-jylǵa turaqty ósip keledi.
Búginde ekijaqty saýda aınalymy 27 mlrd dollarǵa jetti, bul rekordtyq kórsetkish. Reseıden tikeleı ınvestıııa kólemi 20 mlrd dollardan asty. Qazaqstanda sheteldiń qatysýymen jumys isteıtin 42 myńnan asa kásiporynnyń jartysyna jýyǵy, 19 myńyn reseılik kompanııalar quraıdy. Biz ekonomıkanyq barlyq derlik salasynda – ónerkásip, aýyl sharýashylyǵy, kólik, ınfraqurylymda ózara yntymaqtasa jumys isteımiz, - dedi Toqaev.
Aıta keteıik, búgin, 9 qarashada Reseı prezıdenti Vladımır Pýtın elimizge resmı saparmen keldi. Memleket basshysy Qasym-Jomart Toqaev sheteldik áriptesin elorda áýejaıynda qarsy aldy.
