Joǧary auditorlyq palatanyŋ Qostanai oblysyna jürgızgen tekserısınen keiın aimaq basşysy Qūmar Aqsaqalovtyŋ töraǧalyǧymen memlekettık audittıŋ qorytyndylary talqylanǧan bolatyn. Onda audit körsetken qarjylyq būzuşylyqtar, biudjet qarajatyn tiımsız josparlau jäne paidalanu faktılerıne qatysty tüsınıkteme berıldı.
Osy mäselege qatysty Qazaqstannyŋ Halyq aqyny, Qazaqstan Respublikasy Joǧarǧy Keŋesı HIII şaqyrylymynyŋ deputaty Äsiia Berkenova Feisbuk äleumettık jelısınde özınıŋ pıkırın bıldırdı. Oblysymyzdyŋ qūrmettı azamaty mäselenı tereŋınen zerdeleu kerektıgın jazyp, audittık qadaǧalau qazyna qarajatyn ūqypty jūmsauǧa yqpal etuı tiıs ekendıgın jetkızdı. Bız Halyq aqynynyŋ köpşılıkke ündeuın jariialaudy jön kördık.
"Qūrmettı aǧaiyn!
Künı keşe Joǧary auditorlyq palatanyŋ Qostanai oblysyna jürgızgen tekserısı qoǧamdy dür sılkındırdı. Erınbegen aqparat qūraldarynyŋ barlyǧy «Qostanai oblysynda 100 milliard teŋge räsua boldy», «Jelge ūşqan milliardtar» degen syŋaily oŋdy-soldy taqyrypty qoiyp, bırınen-bırı köşırıp basyp jatyr. Äleumettık jelıde jelpınıp otyrǧandar atşa tulap, örttı odan beter örşıte tüstı.
Sol esep-qisaptyŋ ışkı mazmūnyna üŋılıp, esep tılımen, ekonomikalyq, qarjylyq sauatpen saraptap jatqan eşqaisysyn körmedım. Soǧan qarap-aq, bız söz quǧan el ekenbız dep aşynyp otyrmyn.
Osy ündeudı halyqqa jetkızıp otyrǧanymnyŋ sebebı de bar. Būl jerde basşylarǧa jaǧynaiyn, bıreudıŋ müddesın qorǧaiyn, aqtap alaiyn degen nietım joq. (Bolmysyma jaǧympazdyq jat).
Qasiettı Qostanai topyraǧynyŋ tumasy bolǧandyqtan, öŋırımızdıŋ örkendeu kezeŋıne kuäger jandardyŋ bırımın. Talai jyl aitys sahnasynda öŋırımızdıŋ namysyn qorǧap, bedelın biıktetken aqyn retınde eşqaşan aimaǧymyzdyŋ abyroiyna daq tüskenın qalamaimyn. Qostanai oblysy ekonomikanyŋ san türlı salasynda jyl saiyn alǧa basyp, örkendep keledı. Bügıngı künı tau-ken öndırısı alǧa basqan, jaŋa zauyttar salynyp, jūmys oryndary aşylyp jatqan ırı industriialyq aimaqqa ainalyp kelemız.
Jelıde söz bolyp jatqan taqyryp jaiynda oblys äkımı Qūmar Aqsaqalov bastaǧan aimaqtyŋ atqamınerlerı olqylyqtarǧa jol bergen tūlǧalardyŋ jauapqa tartylyp jatqanyn mälımdedı. Būl jaǧdai memlekettık qyzmetkerlerdı öz ısıne asa ülken jauapkerşılıkpen qarauǧa mındetteuı tiıs.
Barlyq oblysta bes jyl saiyn josparly türde auditorlyq tekserıs ötkızıluı qalypty şara. Audittık qadaǧalau qazyna qarajatyn ūqypty jūmsauǧa yqpal etuı tiıs.
Sondyqtan būl jaǧdaida dabyraǧa jol bermei, kemşılıkterdı kemıtıp, olqylyqtardy oisyratpai, ärkım öz ısıne degen jauapkerşılıktı el üşın jauapkerşılık dep qarasa ǧana, ıs alǧa basady dep oilaimyn.
Eŋ bastysy, özımız topyraǧyn basyp, suyn ışıp otyrǧan aimaǧymyz örkendei bersın deimın. Qostanai oblysy älı talai biıkterdı baǧyndyryp, äleuetı artqan ülken quatty öŋırge ainalady degen senımdemın".
