Baýyrjan Momyshuly atyndaǵy orta mekteptiń túlekteri sońǵy qońyraýda "Nashı Rossııskıe geroı" deıtin mátini bar ánge bı bılegen. Bul týraly qalalyq bilim bóliminiń Instagram-paraqshasynda jarııalady, dep habarlaıdy «Adyrna» ulttyq portaly.
B.Momyshuly atyndaǵy orys tilinde bilim beretin orta mekteptiń sońǵy qońyraý saltanatyna qala ákimi Marat Júndibaev qatysqan.
Beınejazbadan áskerı kıim kıgen túlekter Reseıdiń patrıottyq ánine bılegenin kórýge bolady. Bul jóninde qalalyq bilim bóliminiń jetekshisi Gúlsim Orazbaeva túsinik berdi.
"Bul osy mektepte kóp jyldar boıy oınalyp kelgen tarıhı vals eken. Bıyl 20 jyldyǵyna oraı sol dástúrmen taǵy da qosyldy. Sózine asa mán berýdiń, bóten astar izdeýdiń qajeti joq sııaqty. Oǵan mán berip jatqan eshkim joq. Bastysy, is-shara joǵary deńgeıde ótti. Ata-analar kózderine jas aldy. Vıdeo astyna da tek jaqsy pikirler jazylyp jatyr", — deıdi ol.
Gúlsim Orazbaevanyń aıtýynsha, arnaıy tapsyryspen mekteptiń jańa ánurany jazylyp jatyr. Synǵa ilikken vıdeo paraqshadan óshirilip tastalynǵan.
«Adyrna» ulttyq portaly
