«Qairaq» avtomobil ötkızu punktı arqyly Reseige äskeri şlemder men taktikalyq riukzaktardy alyp ötpek bolǧan kölık jürgızuşısı ūstaldy. Būl turaly Qostanai oblystyq Memlekettık kırıster departamentınıŋ baspasöz qyzmetı mälımdedı dep habarlaidy “Adyrna” ūlttyq portaly.
«Qostanai oblystyq Memlekettık kırıster departamentı men ŪQK Şekara qyzmetınıŋ bırlesken äreketımen «Gazel» markaly kölıktıŋ jük bölıgınen äskeri şlemder men taktikalyq riukzaktar tabyldy. Tasymaldau mūqaba tauarlaryn qoldana otyryp jüzege asyrylǧan. Tauarlarǧa ılespe qūjattamada tauarlar turaly mälımetter joq. Jügı bar kölık ötkızu punktınıŋ aumaǧynda bolady. Tauarlardyŋ şyǧu tegın jäne äketuge qatysy bar tūlǧalardy anyqtau boiynşa şaralar qabyldanady», - delıngen habarlamada.Departament mälımetı boiynşa, män-jailar anyqtalǧan soŋ, būl äreketke qatysy bar adamdar jauapqa tartylyp, jük memleket paidasyna tärkılenedı.
Ūqsas jaŋalyqtar
