Memleket basşysy Qasym-Jomart Toqaev Oman syrtqy ıster ministrı Badr äl-Busaididı qabyldady, dep habarlaidy “Adyrna” ūlttyq portaly.
Prezident Badr äl-Busaidige ıltipat bıldıre otyryp, Omandy Qazaqstanyŋ senımdı ärı uaqyt tezınen ötken serıktesı dep atady. Sondai-aq ekı el arasyndaǧy yntymaqtastyqty odan ärı damytuǧa beiıl ekenın jetkızdı.
Prezidenttıŋ aituynşa, Qazaqstan men Oman ekıjaqty deŋgeidegı, sonymen qatar öŋırlık jäne halyqaralyq kün tärtıbındegı özara yqpaldastyqty damyta alady. Oǧan aitarlyqtai äleuet bar.
Memleket basşysy oraily sättı paidalanyp, Oman Sūltany Haisam ben Tariqqa sälemın joldap, ony elımızge saparmen keluge şaqyrdy.
"Qazaqstannyŋ Oman memleketıne qūrmetı erekşe. Sızdıŋ elıŋızge azamattarymyzdyŋ, sonyŋ ışınde käsıpkerlerdıŋ, mädeniet qairatkerlerınıŋ qyzyǧuşylyǧy öte joǧary. Sondyqtan yntymaqtastyǧymyzdy jan-jaqty jäne tabysty ete tüsu üşın oǧan tyŋ serpın beru qajet", - dedı Qasym-Jomart Toqaev.
Oman syrtqy saiasat vedomstvosynyŋ basşysy qonaqjailyq tanytqany üşın Prezidentke alǧys aityp, būl ekı el arasyndaǧy özara qūrmettıŋ joǧary deŋgeiın körsetetının atap öttı.
"Qazaqstannyŋ damuyna zor qyzyǧuşylyqpen qaraimyz. Elıŋız ben halqyŋyzdyŋ igılıgı jolynda atqaryp jatqan auqymdy reformalaryŋyz bızdı qairan qaldyrady. Qazaqstan ekonomikasynyŋ ösu qarqyny, beibıtşılık pen qauıpsızdıktı saqtau üşın elıŋızdıŋ osy aimaqtaǧy tatu körşılık bailanystardy nyǧaitudaǧy negızgı rölı men yqpaly taŋǧaldyrady. Ädıldık pen barşaǧa ortaq beibıtşılıkke, qauıpsızdık pen örkendeuge baǧyttalǧan syrtqy saiasattaǧy ūstanymyŋyzdy joǧary baǧalaimyz", - dedı diplomat.
Kezdesu barysynda kölık-logistikalyq, auylşaruaşylyq, mädeni-gumanitarlyq jäne sifrlandyru salalaryndaǧy yntymaqtastyq perspektivasy qarastyryldy. Sondai-aq özara bailanystardy nyǧaituǧa septıgın tigızetın ekı el arasyndaǧy tıkelei äue qatynastaryn aşu mäselesı talqylandy.
Būdan bölek, Qasym-Jomart Toqaev pen Badr äl-Busaidi öŋırlık qauıpsızdıkke jäne köpjaqty ūiymdar aiasyndaǧy yqpaldastyqqa qatysty özektı mäseleler boiynşa pıkır almasty.
