Bügın Mäjılıstıŋ jalpy otyrysynda Bas prokuror qandy qaŋtarda şabuyldauşylarǧa oq atu Prezident būiryǧynan būryn bastalǧanyn mälım ettı, dep jazady "Adyrna" ūlttyq portaly.
«Qūrmettı deputattar! Küştık qūrylym qyzmetkerlerı atys qaruyn bırınşı ret Almatydaǧy Prezident Rezidensiiasyn qorǧau kezınde – 5 qaŋtar künı saǧat 16:00 şamasynda qoldanǧanyna erekşe nazar audarǧym keledı. Odan keiın polisiia men äkımdıkter ǧimarattaryna jäne basqa da obektılerge şabuyl jasalǧanda, iaǧni tärtıpsızdıkter küş körsetu satysyna ötken kezde qūqyq qorǧau organdarynyŋ qyzmetkerlerı qaru qoldanǧan. Demek, şabuyldauşylarǧa qarsy oq atu Prezidenttıŋ belgılı mälımdemesınen edäuır būryn bolǧan. Būl jaǧdai turaly barlyq diskussiia qoǧamdyq pıkırdı ädeiı basqa baǧytqa būruda. Is jüzınde, qylmyskerlerge oq atu üşın küştık qūrylymdarǧa arnaiy būiryq qajet emes. Būl turaly: qūqyq qorǧau qyzmetı turaly; Ūlttyq gvardiia turaly; terrorizmge qarsy ıs-qimyl turaly zaŋdarda tıkelei normalar bar. Olar adamdardyŋ ömırı men densaulyǧyna qater töngen jaǧdaida şabuyldy toitaru üşın atys qaruyn qoldanuǧa mümkındık beredı», - dedı Bas prokuror."Adyrna" ūlttyq portaly
Ūqsas jaŋalyqtar
