Avtokólik joldary komıtetiniń basshysy men birneshe ákim orynbasarlary Prezıdenttiń jol jamylǵysynyń jaı-kúıi týraly aıtqan sózderinen keıin qyzmetinen aıyryldy. Bul týraly Memleket basshysynyń baspasóz hatshysy Berik Ýálı málimdedi, dep habarlaıdy "Adyrna" ulttyq portaly.
«Prezıdent Qasym-Jomart Toqaevtyń tapsyrmasy boıynsha respýblıkalyq jáne jergilikti joldardyń qurylysy men jóndeý jumystaryn retke keltirý jalǵasyp jatyr. Osy saladaǵy jumystardy jáne baqylaýdy bosańsytyp alǵany úshin Indýstrııa jáne ınfraqurylymdyq damý mınıstrligi Avtomobıl joldary komıtetiniń tóraǵasy S.Barmaqov, Batys Qazaqstan, Soltústik Qazaqstan jáne Aqtóbe oblystary ákimderiniń orynbasarlary T.Shákimov, I.Týrkov jáne N.Qalaýovtar qyzmetinen bosatyldy.
Úkimet, ákimder, quqyq qorǵaý organdary bıýdjet qarjysynyń tıimsiz jumsalýynyń aldyn alý, jol qurylysy salasyndaǵy keleńsizdikterdi joıý úshin sharalar qabyldap jatyr», dep jazdy Berik Ýálı.
Sonymen qatar, Ulan Álipov Elbasyn synaǵannan keıin «QazAvtoJol» ulttyq kompanııasynyń basshysy qyzmetinen aıyryldy.
"Adyrna" ulttyq portaly
