Nazarbaevtar ielengen. Üşqoŋyr jailauynda kemı 9 myŋ gektar jer memleket menşıgıne ötken

2478
Adyrna.kz Telegram
https://adyrna.kz/content/uploads/2025/02/2ef8f3ae-3ffc-42a7-a3e2-837a8a9e61ca.jpeg

Eks-prezident Nūrsūltan Nazarbaevtyŋ «Baitau» qoryna qaraityn Üşqoŋyr rezidensiiasynyŋ ainalasyndaǧy kemı 9 myŋ gektar jer memlekettık «Qaitarylǧan aktivterdı basqaru kompaniiasy» balansyna ötken. Būl aqparat Bıryŋǧai memlekettık jyljymaityn mülık kadastrynda körsetılgen, dep habarlaidy “Adyrna” ūlttyq portaly “Azattyq radiosyna” sılteme jasap.

Aqparatqa säikes, Almaty oblysy Qarasai audany Şamalǧan auylyna qarasty üş jer telımı (kadastr nömırlerı 03047152017, 03047542042, 03047542029) 2023 jyly Qairat Satybaldydan Nūrsūltan Nazarbaevqa berılgen rezidensiiany ainala qorşap jatyr. Būl Üşqoŋyr jailauynda Bolat Nazarbaev jeke kompaniialary arqyly iemdengen aumaǧy eŋ ülken jerler. Jalpy kölemı 9 myŋ gektardan asady.

Būl jer uchaskelerı 2022 jyly Bolat Nazarbaevtyŋ Prime Capital Holding degen kompaniiasyna tiesılı käsıporyndardyŋ menşıgınde bolǧan. Qazır būl kompaniia Bolat Nazarbaevtyŋ ūly Nūrbol Nazarbaevqa qaraidy.

Basylymnyŋ mälımetınşe, jer telımderı memleketke qaşan qaitarylǧany beimälım. Būl jönınde jariia habarlanǧan joq. «Qaitarylǧan aktivterdı basqaru kompaniiasynyŋ» Azattyqqa bergen jauabyna

qaraǧanda, qaitarylǧan jerlerdıŋ būrynǧy iesı turaly mälımet «qūpiia» saqtalady.

«Zaŋsyz iemdenılgen aktivterdı memleketke qaitaru turaly» zaŋ men qarjy ministrlıgınıŋ aktivterdı basqaru tärtıbı boiynşa, kompaniia qaitarylǧan aktivter iesınıŋ jeke mälımetterın qūpiia saqtaidy», – dep jazylǧan kompaniianyŋ jazbaşa jauabynda.

Aumaqtyq bölınıske säikes, Şamalǧan auyldyq okrugıne qaraityn Üşqoŋyr jailauynda Nazarbaevtar äuletınıŋ jeke ielıgende jäne uaqytşa paidalanu qūqyǧynda būdan basqa da kölemı kışırek uchaskeler bolǧan. Kadastr bazasyna säikes, ol jyljymaityn mülıkter de ışınara memleketke ötken. Solardyŋ ülkenın (kadastr nömırı: 030471635684) «Qaitarylǧan aktivterdı basqaru kompaniiasy» 20 aqpanda 127 mln teŋgege satuǧa şyǧardy. Uchaske aumaǧy 142 gektardan asady.

Derekközge süiensek, Üşqoŋyr jailauyndaǧy rezidensiia men ǧimarat ornalasqan şaǧyn jer uchaskesı būrynǧy prezident Nūrsūltan Nazarbaevtyŋ ielıgınde qalyp otyr. Eks-prezident būl jyljymaityn mülıktı «Baitau» qory men «Smart investments» JŞS arqyly menşıktep otyr.

Pıkırler