Jetısu oblysy polisiia departamentınıŋ būrynǧy bastyǧy, polisiia general-maiory Serık Küdebaevtyŋ qorǧauşylary sotqa ötınış joldaǧan edı. Olar öz ötınışınde sot ısın toqtatyp, Küdebaevty qaita qyzmetıne taǧaiyndaudy sūrap otyr. Sonymen qatar, äleumettık jelıde Serık Küdebaevtyŋ öz qyzmet ornyn qalai tastap qaşqanyn aiǧaqtaityŋ videojazba tarady. Qoǧam belsendısı Oraz Älımbekov te Küdebaevtyŋ qaŋtar qarsaŋyndaǧy qyzmetıne qatysty jeke pıkırın bıldırdı, dep habarlaidy "Adyrna" ūlttyq portaly.
"Qaŋtar: general Küdebaev sütten aq, sudan taza ma?" dep atalatyn jazbasynda qoǧam belsendısı Oraz Älımbekov Küderbaevtyŋ Qandy Qaŋtar qarsaŋyndaǧy ıc-äreketın synǧa alady. Sonymen qatar, onyŋ qyzmettıŋ örleuıne qatysty kümänın de joqqa şyǧarmaidy.
- FB-da Almaty oblysy IID-nıŋ būrynǧy bastyǧy, polisiia general-maiory Serık Küdebaevtyŋ Qaŋtar oqiǧasy kezındegı qylyǧyn juyp-jaiyp aqtap alu nauqany bastalypty. Qarap tūrsam, Küdebaevtyŋ soiylyn soǧyp jatqan öŋkei jurnalister.
Qūrmettı ärıptester, "Küdebaev beibıt ereuılşılerge qarsy oq atu būiryǧyn oryndamady, sol üşın kınälı bolyp jatyr" dep bır jaqty pıkır aitpas būryn, Qaŋtarda adam ölımı boiynşa Taldyqorǧan aimaǧy ekınşı oryn, al qamalǧan azamattardy azaptau boiynşa bırınşı oryn alǧanyn bır sät qaperge alsaŋdarşy. Azaptaudyŋ "zamanaui" täsılı - ystyq ütık te osy aimaqta qoldanyldy ǧo. Endı kelıp general Küdebaev jaqsy, basqa generaldar jaman bop qalyp pa?! Logika qaida?!
Jaǧdaidy tüsınetın adam generaldardyŋ bärınıŋ oŋyp tūrmaǧanyn bıledı. Mysaly, däl osy Küdebaevtyŋ tuǧan jerınen - Jambyl audanynan baqandai 40 general şyǧypty. Sonda alyp Qazaqtannnyŋ kışkentai bır bölşegıne tek general tuatyn äielder jinalyp qalǧan ba?!
Osy jaǧdaidy aqylǧa salyp oilanyp qarasaq, bır jerden 40 generaldyŋ şyǧuy Eskı Qazaqstan tūsynda ruşyldyq, jerşıldık, jeŋ ūşymen jalǧasqan jemqorlyq auqymynyŋ qanat jaiyp, bütkıl memlekettı ordaly jylandai orap alǧanyn körsetedı. Al sızder sol jüiege qyzmet etıp, şen-şekpen alǧan general-maiordy sütten aq, sudan taza, qoi auzynan jöp almaǧan momaqan qylyp körsetkılerıŋ keledı. Eh, bır kem dünie..., - dep jazdy avtor.
Äleumettık jelıde Qaŋtar kezındegı Serık Küdebaevtyŋ ıs-qimylyn anyq körsetetın videojazba tarady. Videojazbada polisiia departamentı būrynǧy basşysynyŋ öz qyzmet ornyn tastap qaşqany beinelenedı.
Ūqsas jaŋalyqtar
“Ne masqara”: Jurnalistke auruhananyŋ mının aityp sūhbat bergen taksi jürgızuşısıne keşırım sūratqan
