Jetisý oblysy polıııa departamentiniń burynǵy bastyǵy, polıııa general-maıory Serik Kúdebaevtyń qorǵaýshylary sotqa ótinish joldaǵan edi. Olar óz ótinishinde sot isin toqtatyp, Kúdebaevty qaıta qyzmetine taǵaıyndaýdy surap otyr. Sonymen qatar, áleýmettik jelide Serik Kúdebaevtyń óz qyzmet ornyn qalaı tastap qashqanyn aıǵaqtaıtyń vıdeojazba tarady. Qoǵam belsendisi Oraz Álimbekov te Kúdebaevtyń qańtar qarsańyndaǵy qyzmetine qatysty jeke pikirin bildirdi, dep habarlaıdy "Adyrna" ulttyq portaly.
"Qańtar: general Kúdebaev sútten aq, sýdan taza ma?" dep atalatyn jazbasynda qoǵam belsendisi Oraz Álimbekov Kúderbaevtyń Qandy Qańtar qarsańyndaǵy ic-áreketin synǵa alady. Sonymen qatar, onyń qyzmettiń órleýine qatysty kúmánin de joqqa shyǵarmaıdy.
- FB-da Almaty oblysy IID-niń burynǵy bastyǵy, polıııa general-maıory Serik Kúdebaevtyń Qańtar oqıǵasy kezindegi qylyǵyn jýyp-jaıyp aqtap alý naýqany bastalypty. Qarap tursam, Kúdebaevtyń soıylyn soǵyp jatqan óńkeı jýrnalıster.
Qurmetti áriptester, "Kúdebaev beıbit ereýilshilerge qarsy oq atý buıryǵyn oryndamady, sol úshin kináli bolyp jatyr" dep bir jaqty pikir aıtpas buryn, Qańtarda adam ólimi boıynsha Taldyqorǵan aımaǵy ekinshi oryn, al qamalǵan azamattardy azaptaý boıynsha birinshi oryn alǵanyn bir sát qaperge alsańdarshy. Azaptaýdyń "zamanaýı" tásili - ystyq útik te osy aımaqta qoldanyldy ǵo. Endi kelip general Kúdebaev jaqsy, basqa generaldar jaman bop qalyp pa?! Logıka qaıda?!
Jaǵdaıdy túsinetin adam generaldardyń báriniń ońyp turmaǵanyn biledi. Mysaly, dál osy Kúdebaevtyń týǵan jerinen - Jambyl aýdanynan baqandaı 40 general shyǵypty. Sonda alyp Qazaqtannnyń kishkentaı bir bólshegine tek general týatyn áıelder jınalyp qalǵan ba?!
Osy jaǵdaıdy aqylǵa salyp oılanyp qarasaq, bir jerden 40 generaldyń shyǵýy Eski Qazaqstan tusynda rýshyldyq, jershildik, jeń ushymen jalǵasqan jemqorlyq aýqymynyń qanat jaıyp, bútkil memleketti ordaly jylandaı orap alǵanyn kórsetedi. Al sizder sol júıege qyzmet etip, shen-shekpen alǵan general-maıordy sútten aq, sýdan taza, qoı aýzynan jóp almaǵan momaqan qylyp kórsetkileriń keledi. Eh, bir kem dúnıe..., - dep jazdy avtor.
Áleýmettik jelide Qańtar kezindegi Serik Kúdebaevtyń is-qımylyn anyq kórsetetin vıdeojazba tarady. Vıdeojazbada polıııa departamenti burynǵy basshysynyń óz qyzmet ornyn tastap qashqany beınelenedi.
