Äleumettık jelıde ötkır jazbalary, tereŋ paiymy jäne jankeştılıgımen közge tüsken qoǧam belsendısı Serık Hasenov Moŋǧoliiada bolǧan köterılıstı taldap, Qazaq elınıŋ saiasi jaǧdaiymen salystyrdy. Qazaq elınde jiı aitylatyn "Ekı alyp imperiianyŋ ortasyndamyz" tüsınıgınıŋ tozǧanyn, qazaqty jalǧan ūranǧa sendırıp, ūrşyqşa iırıp otyrǧanyn jazdy. Būl jaily "Adyrna" ūlttyq portaly habarlady.
Özınıŋ feisbuk paraqşasynda Serık Hasenov "Moŋǧoliianyŋ artymyzdy aşqanyn" jazdy.
- Osy künge deiın revoliusiia ne miting turaly aitsaŋ, talap etu turaly aitsaŋ "Ekı alyp imperiianyŋ ortasyndamyz" degen jeleudı söz etetınder köp boldy. Parlamenttık basqaru jüiesıne tez ötu kerek, talap etu kerek desek "Bız az halyqpyz, küte tūraiyq" degen sūŋǧylalar köp boldy... Basyŋyzdy künşyǧys jaqqa būrsaŋyz Moŋǧoliia degen el bar. Parlamenttık basqaru jüiesındegı el. Jer kölemı jarty Qazaqstannan säl ülkendeu. Halqy bızden alty ese az... Qyzyǧy, sol elde Qytai men Reseidıŋ ortasynda ornalasqan. Jaqynda halqy ükımet üiıne küşpen kırıp, kınälılerdı jazalaudy talap ettı. Ükımettı otstavkaǧa ketuın talap ettı... Sonda oǧan Qytai öz tarapynan jemqorlyqqa qatysy bar degen şeneunıkterdı atu jazasyna keskenın aitty. Üş jarym million ǧana halqy bar Moŋǧoliiaǧa şabuyl jasamapty... mynalar bilıgıne qarsy köterılıp jatqandy paidalanaiyq demeptı... sau, diplomatiialyq araqanastaǧy memlekettıŋ äreketın jasapty... - dedı Serık Hasenov.
Avtor Qytai men moŋǧol qarym-qatynasyn söz ete kele, qazırgı Reseidıŋ saiasi kürdelı ahualyn taldauǧa oiysady. Qazaqty jiı bastylmalauǧa tyrysatyn "Ekı alyp imperiianyŋ ortasyndamyz" tüsınıgınıŋ eş qisynǧa kelmeitındıgın däleldep, körsetedı.
- Reseige qazır Moŋǧoliia emes, özındegı Saha, Tatarstan t.b. siiaqty elderdı ūstap qalu älde qaida maŋyzdyraq... Moŋǧoliia naqty "Ekı alyp imperiia" degen ertegıge nükte qoiǧan siiaqty... būl bızdegı polittehnologiianyŋ ideialyq sandyraǧy ǧana degen söz... halyqty tıptı soǧan sendırıp qoiǧan... Bız köşege şyǧyp talap etpeitınımız, būryn senıp kelgendei egemendıktı baǧalauymyzda emes, qorqaqtyǧymyzda eken... Sanymyz Moŋǧoliia halqynan köp pa? Köp! Sol sekıldı Resei men Qytaidyŋ ortasyndamyz ba? Ortasyndamyz! Endı nenı syltau qylamyz? - dedı qoǧam belsendısı.
Esterıŋızge sala keteiık, ötkende Moŋǧoliiada el qazynasyn qanaǧan jemqorlarǧa qarsy şeru ötıp, halyq öz qamsyz bilıgın bır sılkıp alǧan edı.
"Adyrna" ūlttyq portaly
Ūqsas jaŋalyqtar
Qazaqstan
qytai
Moŋǧoliia
#şeru
qazaq
köterılıs
qaŋtar oqiǧasy
orys
qazaq elı
qazaqstan saiasaty
saiasi qūbylys
moŋǧoliiadaǧy köterılıs
resei men qytai
