2026 jylǧy 15 nauryzda ötetın respublikalyq referendumǧa daiyndyq şeŋberınde Almaty oblysynda tūrǧyndar arasynda keşendı aqparattyq-tüsındıru jūmystary ūiymdastyryluda.
Öŋır tūrǧyndaryna dauys beru tärtıbı, uchaskege tırkelu jäne dauys beruge arnalǧan esepten şyǧaru kuälıgın alu joldary turaly jan-jaqty mälımet berılude.
Almaty oblystyq aumaqtyq referendum komissiiasynyŋ töraǧasy Meiramgül Aitova azamattardyŋ tırkelgen jerınen tys jerde dauys beru tärtıbın tüsındırdı.
- «Eger azamat 15 nauryz künı özınıŋ tırkelgen jerınen tys jerde bolsa, onda 14 nauryz künı saǧat 18:00-ge deiın öz uchaskelık komissiiasyna jazbaşa ötınış berıp, jeke kuälıgın körsetuı qajet. Ötınış negızınde esepten şyǧaru kuälıgı berıledı. Būl qūjat referendum künı naqty bolatyn jerı boiynşa uchaskede dauys beruge mümkındık beredı. Sonymen qatar esepten şyǧaru kuälıgın senımhat arqyly ökıl de ala alady, būl rette senımhatty notarialdy kuälandyru talap etılmeidı. Qūjat joǧalǧan jaǧdaida ol qalpyna keltırılmeidı jäne telnūsqa berılmeidı. Bır eldı meken şegınde basqa uchaskede dauys beru üşın esepten şyǧaru qūjattary berılmeidı», - dedı Meiramgül Aitova.
Referendum uchaskesın qalai bıluge bolady?
Almaty oblysynyŋ tūrǧyndary özderınıŋ dauys beru uchaskesı turaly aqparatty naqty uaqyt rejimınde bırneşe täsıl arqyly ala alady:
-
resmi veb-servis arqyly JSN engızu jolymen;
-
bıryŋǧai iKomek bailanys ortalyǧy arqyly (109);
-
oblystyŋ uchaskelerı körsetılgen aqparattyq-anyqtamalyq karta arqyly;
-
Telegram-bot arqyly.
Call-ortalyqtardyŋ bailanys nömırlerı (jūmys uaqytynda):
Almaty oblysy – 109
Qonaev qalasy – 8 (72772) 22111
Alatau qalasy – 8 (727) 304 26 29
Balqaş audany – 8 (72773) 95 496
Eŋbekşıqazaq audany – 8 (72775) 72 371
Jambyl audany – 8 (72770) 22 340
Ile audany – 8 (72752) 20 892
Qarasai audany – 8 (72771) 29 981
Kegen audany – 8 (72777) 21 170
Raiymbek audany – 8 (72779) 21 994
Talǧar audany – 8 (72774) 21 284
Ūiǧyr audany – 8 (72778) 21 739
Oblys äkımdıgı tūrǧyndardy referendumǧa belsendı qatysuǧa şaqyrady.
