2026 جىلعى 15 ناۋرىزدا وتەتىن رەسپۋبليكالىق رەفەرەندۋمعا دايىندىق شەڭبەرىندە الماتى وبلىسىندا تۇرعىندار اراسىندا كەشەندى اقپاراتتىق-ءتۇسىندىرۋ جۇمىستارى ۇيىمداستىرىلۋدا.
ءوڭىر تۇرعىندارىنا داۋىس بەرۋ ءتارتىبى، ۋچاسكەگە تىركەلۋ جانە داۋىس بەرۋگە ارنالعان ەسەپتەن شىعارۋ كۋالىگىن الۋ جولدارى تۋرالى جان-جاقتى مالىمەت بەرىلۋدە.
الماتى وبلىستىق اۋماقتىق رەفەرەندۋم كوميسسياسىنىڭ توراعاسى مەيرامگۇل ايتوۆا ازاماتتاردىڭ تىركەلگەن جەرىنەن تىس جەردە داۋىس بەرۋ ءتارتىبىن ءتۇسىندىردى.
- «ەگەر ازامات 15 ناۋرىز كۇنى ءوزىنىڭ تىركەلگەن جەرىنەن تىس جەردە بولسا، وندا 14 ناۋرىز كۇنى ساعات 18:00-گە دەيىن ءوز ۋچاسكەلىك كوميسسياسىنا جازباشا ءوتىنىش بەرىپ، جەكە كۋالىگىن كورسەتۋى قاجەت. ءوتىنىش نەگىزىندە ەسەپتەن شىعارۋ كۋالىگى بەرىلەدى. بۇل قۇجات رەفەرەندۋم كۇنى ناقتى بولاتىن جەرى بويىنشا ۋچاسكەدە داۋىس بەرۋگە مۇمكىندىك بەرەدى. سونىمەن قاتار ەسەپتەن شىعارۋ كۋالىگىن سەنىمحات ارقىلى وكىل دە الا الادى، بۇل رەتتە سەنىمحاتتى نوتاريالدى كۋالاندىرۋ تالاپ ەتىلمەيدى. قۇجات جوعالعان جاعدايدا ول قالپىنا كەلتىرىلمەيدى جانە تەلنۇسقا بەرىلمەيدى. ءبىر ەلدى مەكەن شەگىندە باسقا ۋچاسكەدە داۋىس بەرۋ ءۇشىن ەسەپتەن شىعارۋ قۇجاتتارى بەرىلمەيدى»، - دەدى مەيرامگۇل ايتوۆا.
رەفەرەندۋم ۋچاسكەسىن قالاي بىلۋگە بولادى؟
الماتى وبلىسىنىڭ تۇرعىندارى وزدەرىنىڭ داۋىس بەرۋ ۋچاسكەسى تۋرالى اقپاراتتى ناقتى ۋاقىت رەجيمىندە بىرنەشە ءتاسىل ارقىلى الا الادى:
-
رەسمي ۆەب-سەرۆيس ارقىلى جسن ەنگىزۋ جولىمەن;
-
بىرىڭعاي iKomek بايلانىس ورتالىعى ارقىلى (109);
-
وبلىستىڭ ۋچاسكەلەرى كورسەتىلگەن اقپاراتتىق-انىقتامالىق كارتا ارقىلى;
-
Telegram-بوت ارقىلى.
Call-ورتالىقتاردىڭ بايلانىس نومىرلەرى (جۇمىس ۋاقىتىندا):
الماتى وبلىسى – 109
قوناەۆ قالاسى – 8 (72772) 22111
الاتاۋ قالاسى – 8 (727) 304 26 29
بالقاش اۋدانى – 8 (72773) 95 496
ەڭبەكشىقازاق اۋدانى – 8 (72775) 72 371
جامبىل اۋدانى – 8 (72770) 22 340
ىلە اۋدانى – 8 (72752) 20 892
قاراساي اۋدانى – 8 (72771) 29 981
كەگەن اۋدانى – 8 (72777) 21 170
رايىمبەك اۋدانى – 8 (72779) 21 994
تالعار اۋدانى – 8 (72774) 21 284
ۇيعىر اۋدانى – 8 (72778) 21 739
وبلىس اكىمدىگى تۇرعىنداردى رەفەرەندۋمعا بەلسەندى قاتىسۋعا شاقىرادى.
