الماتى وبلىسى، تالعار اۋدانى، كەڭدالا اۋىلدىق وكرۋگىن كوك ءتۇتىن تورلادى. اقتاس اۋىلىنىڭ ىرگەسىندەگى "جان-ارۋ" قوقىس پوليگونىنان بەيمازا شاقتا شىققان اششى ءتۇتىن مەن بىقسىپ جانعان جالىننان تۇرعىنداردىڭ مازاسى قاشتى. بۇل جايلى الەۋمەتتىك جەلى بەلسەندىسى جانبوتا سۇلتانمۇراتقىزى حابارلادى، دەپ باياندايدى "ادىرنا" ۇلتتىق پورتالى.
الەۋمەتتىك جەلىدە الماتى وبلىسى، تالعار اۋدانىندا ورنالاسقان "جان-ارۋ" قوقىس پوليگونى" بىقسىپ جانىپ جاتىر. اۋاعا تاراعان كوك ءتۇتىننىڭ ىسىنان اۋىل-ايماقتى تورلادى. بۇل جايلى:
- الماتى وبلىسى، تالعار اۋدانى، كەڭدالا اۋىلدىق وكرۋگىنە قاراستى اقتاس اۋىلىنىڭ قاسىنداعى "جان-ارۋ" قوقىس پوليگونىنىڭ قازىرگى جاعدايى وسىلاي. اۋماق تۇگەل جانىپ جاتىر. ماسەلەنى قولعا الىپ، شەشىمىن تاباتىن قۇزىرلى ورىنداردى بەلگىلەۋلەرىڭىزدى سۇرايمىن. ماڭايىنداعى اۋىل تۇرعىندارىنىڭ دەنساۋلىعى، قاۋىپسىزدىگى تۋرالى ايتپاي-اق قويايىق... تۇندەگى جاعداي وسى جازبانىڭ الدىندا تۇر، - دەيدى جانبوتا سۇلتانمۇراتقىزى.
اۆتور قوقىس ايماعىنداعى ءورتتىڭ بۇعان دەيىن دە بولعانى جايلى جازىپ، اۋىل تۇرعىندارىنىڭ دەنساۋلىعىنا الاڭداۋشىلىق ءبىلدىردى:
- بۇعان دەيىن دە بۇل جەردە ءورت بولىپ، وكرۋگ اكىمى الماس نۇرداۋلەتۇلى ءوز كۇشتەرىمەن سوندىرگەنىن ايتقان. تۇرعىندار تاراپىنان تۇسكەن شاعىمدار مەن دەنساۋلىقتارىنا الاڭداعان جۇرتتىڭ جانايقايىنان قۇلاق تۇنادى. ەندى، مىنە، سول ماسەلەنى ەستىر قۇلاققا تاعى دا جەتكىزۋگە ءماجبۇرمىز. ويتكەنى ەل امان، جۇرت تىنىشتا ۋ جۇتىپ وتىرعان حالىقتىڭ ءحالى مۇشكىل. قوقىس پوليگونى تاعى دا ورتكە وراندى. بۇل جولى ەرتەڭىنە الاڭداۋلى ەلدىڭ شاعىمى مەن جانايقايىنا كىم جاۋاپ بەرەدى؟ قۇزىرلى ورىنداردان جاۋاپ بولىپ، شاعىمدارى قارالۋى ءۇشىن حالىق نە ىستەۋى كەرەك؟... سۇراق كوپ، جاۋاپ جوق. حالىققا قاتىستى ماسەلە "باياعى جارتاس - سول جارتاس" كۇيىندە قالماسا ەكەن دەيمىز!
جەلى قولدانۋشىلارى پوليگون يەسىنىڭ باقتىعالي ايجىگىتوۆ ەسىمدى ازامات ەكەنىن جازىپ جاتىر. ول كىسىنى تۇرعىندار ءورت الاڭىنا شاقىرتقانىمەن، كەلمەگەن. اكىمدىك قىزمەتكەرلەرى دە بولىپ جاتقان ءورت جايلى تۇسىنىكتەمە بەرۋدەن باسىن الىپ قاشقان. ۆيدەو اۆتورىنىڭ ايتۋىنشا، پوليگونداعى ءورتى سۋمەن ءسوندىرۋ دە، توپىراق توگىپ، تۇنشىقتىرۋ دا مۇمكىن ەمەس. سەبەبى، ىشىنەن كەۋلەپ، بىقسىپ جانىپ جاتقان قوقىس پەن قىزعان شوقتىڭ ورتاسىنا باتىپ كەتۋ قاۋىپى بار.
- تالعار اۋدانىنداعى اقتاس اۋىلىنىڭ قاسىنداعى «جان-ارۋ» قوقىس پوليگونىندا بولعان ءورت كەزىندە تۇندە 1 عانا ءورت ءسوندىرۋشى ماشينا مەن 3 ءورتسوندىرۋشى جۇمىس ىستەگەن. سول مەزەتتە وقيعا ورنىندا اۋداندىق ءماسليحاتتىڭ دەپۋتاتتارى ەرجان يگىباەۆ پەن الەكساندرا داۋرباەۆا جانە اۋدان اكىمى تاڭات ەسكەلدىۇلى مەن اكىم ورىنباسارى ورازحان قاسپاقباەۆ تا بولدى. اكىمدىك قىزمەتكەرلەرى اۋداندىق ءباسپاسوز حاتشىسى بار ەكەنىن ايتىپ، وقيعا بويىنشا تۇسىنىكتەمە بەرۋدەن باس تارتتى. ال پوليگون يەسى سانالاتىن باقتىعالي ايجىگىتوۆتى شاقىرتتىق دەگەنمەن، ول جەرگە كەلگەن جوق، - دەيدى جانبوتا سۇلتانمۇراتقىزى.
دەپۋتات ە. يگىباەۆتىڭ ايتۋىنشا، 2020 جىلى بولعان الاپات ءورتتى دە ماماندار، شامامەن «HOWO» كامازىمەن 140 ماشينا توپىراق توگىپ، ءورتتى اۋپىرىمدەپ ءجۇرىپ ارەڭ توقتاتقان. ال قازىرگى جاعدايىندا ءورت استىنان كەۋلەپ جانىپ جاتقاندىقتان ناقتى اۋماقتى انىقتاۋ مۇمكىن ەمەس. قوقىستىڭ ۇستىنە شىعىپ وشىرەتىن مۇمكىندىك جوق. سەبەبى ءاربىر 3-4 مەتر سايىن بۋداقتاپ جاتقان ۋلى ءتۇتىننىڭ ارتى كەز كەلگەن ۋاقىتتا الاۋلاعان ورتكە اينالۋى مۇمكىن. قوقىستىڭ ۇستىنە شىعۋ دا قاۋىپتى. ويتكەنى اياقاستىنان ويىلىپ ىشىنە ءتۇسىپ كەتۋ قاۋپى بار. سوندىقتان مۇمكىندىگىنشە الىستان تۇرىپ سۋ شاشقاننان باسقا امال بولماي تۇر.
ازىرگە قوقىستان قۋات الىپ، اۋاعا تاراعان كوك ءتۇتىن مەن پوليگوناعى ءورت جايلى قۇزىرلى مەكەمەلەر رەسمي مالىمدەمە جاسامادى.
"ادىرنا" ۇلتتىق پورتالى
