Qaraǧandy oblysynda Qazaqstan Respublikasy jaŋa Konstitusiiasynyŋ jobasy Brail qarpımen basylyp, köpşılıkke tanystyryldy. Basylym Oblystyq közı körmeitın jäne naşar köretın azamattarǧa arnalǧan arnaiy kıtaphanada ūsynyldy. Joba oblys äkımdıgınıŋ qoldauymen jüzege asyrylyp, aqparatqa teŋ qoljetımdılıktı qamtamasyz etudegı naqty qadam boldy.
Basylymdy daiyndauǧa arnaiy kıtaphana mamandary qatysyp, Brail qarpımen basyp şyǧaruǧa arnalǧan arnaiy tiflotehnikany jäne jabdyqtardy paidalandy.
– Bızde Brail qarpımen basyp şyǧaratyn arnaiy printerler bar. Qazaq jäne orys tılderınde basyp şyǧaru mümkındıgı qarastyrylǧan. Konstitusiia jobasyn ekı tılde de basyp şyǧardyq, – dedı arnaiy kıtaphananyŋ qyzmet körsetu bölımınıŋ basşysy Aijan İsina.
Mädeniet, arhivter jäne qūjattama basqarmasynyŋ basşysy Ǧalymjan Ötelbaiūly jaŋa Konstitusiia jobasynda adam qūqyqtary men teŋdık qaǧidattaryna erekşe nazar audarylǧanyn atap öttı.
– Eŋ basty qūndylyq – adam. Konstitusiianyŋ jaŋa nūsqasynda teŋ qūqyqtar men mümkındıkterdı qamtamasyz etuge basymdyq berılgen. Būl – ädılettı ärı inkliuzivtı qoǧam qūru jolyndaǧy negızgı ūstanym, – dep atap öttı ol.
Qaraǧandy oblysy äkımınıŋ apparaty janyndaǧy genderlık teŋdık mäselelerı jönındegı ştattan tys keŋesşı Aijan Qiiasova bastamanyŋ maŋyzdylyǧyn erekşe atap öttı.
Kıtap danalary kıtaphana qoryna engızılıp, oqyrmandarǧa qoljetımdı. Būl bastama qoljetımdı ärı inkliuzivtı orta qalyptastyrudaǧy maŋyzdy qadam bolyp, qūqyqtyŋ şyn mänınde ärbır adamǧa qoljetımdı boluy tiıs ekenın taǧy bır märte däleldedı.
