ۇكىمەت قاۋلىسىمەن ەلدار قونىسبايۇلى كۇزەنباەۆ قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ۆيتسە-ءمينيسترى قىزمەتىنە تاعايىندالدى، دەپ حابارلايدى "ادىرنا" ءتىلشىسى.
ۇكىمەتتىڭ مالىمەتىنشە، ول بۇل تاعايىنداۋعا دەيىن، 2026 جىلدىڭ ناۋرىز ايىنان باستاپ ەڭبەك جانە حالىقتى الەۋمەتتىك قورعاۋ مينيسترلىگىنىڭ كوشى-قون كوميتەتىنىڭ توراعاسى قىزمەتىن اتقارعان.
ەلدار كۇزەنباەۆ 1982 جىلى قوستاناي وبلىسىندا دۇنيەگە كەلگەن. احمەت بايتۇرسىنۇلى اتىنداعى قوستاناي مەملەكەتتىك ۋنيۆەرسيتەتىن جانە مىرجاقىپ دۋلاتوۆ اتىنداعى قوستاناي ينجەنەرلىك-ەكونوميكالىق ۋنيۆەرسيتەتىن تامامداعان. ەڭبەك جولىن 2002 جىلى قوستاناي وبلىسى سوتتار اكىمشىسىندە جەتەكشى مامان رەتىندە باستاعان. كەيىن سوت ورىنداۋشىسى، ادىلەت ورگاندارىنداعى ءبولىم باسشىسى قىزمەتتەرىن اتقاردى. ءار جىلدارى ۇزىنكول جانە سارىكول اۋداندارىندا، سونداي-اق ارقالىق قالاسىندا اكىم بولدى.
سونداي-اق قوستاناي وبلىستىق «Nur Otan» پارتياسى فيليالى توراعاسىنىڭ ءبىرىنشى ورىنباسارى، قوستاناي وبلىسى اكىمىنىڭ اپپاراتىنىڭ باسشىسى، پرەزيدەنت اكىمشىلىگىنىڭ مەملەكەتتىك ينسپەكتورى قىزمەتتەرىندە جۇمىس ىستەگەن.
