پرەزيدەنت باس شتاب باستىعىن تاعايىنداپ، مەملەكەتتىك كۇزەت قىزمەتىندە كادرلىق اۋىس-ءتۇيىس جاسادى

مەملەكەت باسشىسى قاسىم-جومارت توقاەۆ باس شتاب باستىعى-قورعانىس ءمينيسترىنىڭ ءبىرىنشى ورىنباسارىن تاعايىنداپ، مەملەكەتتىك كۇزەت قىزمەتىندە كادرلىق اۋىس-ءتۇيىس جۇرگىزدى. بۇل تۋرالى بۇگىن، 5 قازاندا اقوردانىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.

پرەزيدەنت وكىمىمەن ايتقۇرمان وماربەكوۆ قورعانىس ءمينيسترىنىڭ ءبىرىنشى ورىنباسارى – قازاقستان قارۋلى كۇشتەرى باس شتابىنىڭ باستىعى قىزمەتىنە تاعايىندالدى.

سونداي-اق ازامات حاسەنوۆ مەملەكەتتىك كۇزەت قىزمەتى باستىعىنىڭ ورىنباسارى – ايرىقشا ماقساتتاعى كۇشتەردىڭ قولباسشىسى لاۋازىمىنا كىرىستى.

ەسكە سالايىق، بۇعان دەيىن قاسىم-جومارت توقاەۆ قورعانىس مينيسترلىگىنىڭ بىلتىر جانە بيىل تاعايىندالعان ءۇش بىردەي باسشىسىن قىزمەتىنەن بوساتۋ تۋرالى شەشىم قابىلداعان بولاتىن.   ونىڭ الدىندا بىلتىر تاعايىندالعان ءمينيستردى الماستىرعان. 

ايتا كەتەيىك، 24 قىركۇيەكتە ماڭعىستاۋ وبلىسىندا اسكەري-تەڭىز كۇشتەرىنىڭ وقۋ-جاتتىعۋى كەزىندە 17 اسكەري قىزمەتشىنى كاسپي تەڭىزىنە تولقىن الىپ كەتكەن. ۇشەۋى قۇتقارىلىپ، 14 اسكەري قىزمەتشى قازا تاپتى. وقيعاعا بايلانىستى قىلمىستىق ءىس قوزعالىپ، بەس اسكەري قىزمەتشى كۇدىكتى دەپ تانىلدى. قايعىلى جاعدايدىڭ سەبەپتەرىن انىقتاۋ ءۇشىن ۇكىمەتتىك كوميسسيا قۇرىلدى. پرەزيدەنت قاسىم-جومارت توقاەۆ قايعىلى جاعدايدان سوڭ قورعانىس مينيسترلىگىندەگى ىستەردىڭ جاي-كۇيىنە كەشەندى تەكسەرۋ جۇرگىزۋ جونىندەگى ارنايى كوميسسيا قۇرۋعا تاپسىرما بەرگەن. كوميسسيا العاشقى اپتادان-اق مەملەكەت باسشىسىنا تەكسەرىس ناتيجەسى بويىنشا ەسەپ بەرۋى ءتيىس دەپ حابارلانعان.

بۇگىن جاڭا باسشىسى تاعايىندالعان باس شتابتىڭ قىزمەتى مىنانداي بولىپ كەلەدى. 

 - جەدەل-ستراتەگيالىق جوسپارلاۋدى، قارۋلى كۇشتەردىڭ جاۋىنگەرلىك جəنە كۇندەلىكتى قىزمەتىن قولدانۋ مەن وعان باسشىلىقتى جۇزەگە اسىرادى، ولاردىڭ جاۋىنگەرلىك قۇرامىن ايقىندايدى;

 - باسقا مەملەكەتتىك ورگاندارمەن بىرلەسىپ، قازاقستان رەسپۋبليكاسىنىڭ قورعانىس جوسپارىن ازىرلەيدى;

 - قازاقستان رەسپۋبليكاسى قارۋلى كۇشتەرى جوعارعى باس قولباسشىسىنىڭ ديرەكتيۆالارىن ازىرلەيدى، اسكەرلەردى جوسپارلاۋدى، دايىنداۋدى جانە جۇمىلدىرا ورىستەتۋدى جۇزەگە اسىرادى;

 - جۇمىلدىرۋ دايىندىعى سالاسىنداعى ۋاكىلەتتى ورگانمەن كەلىسۋ بويىنشا قارۋلى كۇشتەردىڭ جۇمىلدىرۋ جوسپارىن ازىرلەيدى;

 - قارۋلى كۇشتەردى جاۋىنگەرلىك جانە جۇمىلدىرۋ دايارلىعىندا ۇستاپ تۇرۋ جونىندەگى ءىس-شارالاردى ۇيىمداستىرىپ، جۇرگىزەدى;

 - قازاقستان رەسپۋبليكاسىنىڭ اۋە كەڭىستىگىن كۇزەتۋ مەن قورعاۋدى ۇيىمداستىرادى جانە قامتاماسىز ەتەدى;

 - قورعانىستى ۇيىمداستىرۋ سالاسىندا قارۋلى كۇشتەردىڭ باسقا دا əسكەرلەرمەن جəنە əسكەري قۇرالىمدارمەن ءوزارا ءىس-قيمىل جاساۋىن ۇيىمداستىرادى جəنە جۇزەگە اسىرادى;

 - قارۋلى كۇشتەردى قولدانۋ قاعيدالارىن، قازاقستان رەسپۋبليكاسىنىڭ اۋماعىن جەدەل جابدىقتاۋ قاعيدالارىن جانە قازاقستان رەسپۋبليكاسىنىڭ قورعانىسىن جوسپارلاۋ قاعيدالارىن əزىرلەيدى;