Memleket basşysy Qasym-Jomart Toqaev Bas ştab bastyǧy-Qorǧanys ministrınıŋ bırınşı orynbasaryn taǧaiyndap, Memlekettık küzet qyzmetınde kadrlyq auys-tüiıs jürgızdı. Būl turaly bügın, 5 qazanda Aqordanyŋ baspasöz qyzmetı jazdy, dep habarlaidy «Adyrna» tılşısı.
Prezident ökımımen Aitqūrman Omarbekov Qorǧanys ministrınıŋ bırınşı orynbasary – Qazaqstan Qaruly Küşterı Bas ştabynyŋ bastyǧy qyzmetıne taǧaiyndaldy.
Sondai-aq Azamat Hasenov Memlekettık küzet qyzmetı bastyǧynyŋ orynbasary – Airyqşa maqsattaǧy küşterdıŋ qolbasşysy lauazymyna kırıstı.
Eske salaiyq, būǧan deiın Qasym-Jomart Toqaev Qorǧanys ministrlıgınıŋ byltyr jäne biyl taǧaiyndalǧan üş bırdei basşysyn qyzmetınen bosatu turaly şeşım qabyldaǧan bolatyn. Onyŋ aldynda byltyr taǧaiyndalǧan ministrdı almastyrǧan.
Aita keteiık, 24 qyrküiekte Maŋǧystau oblysynda Äskeri-teŋız küşterınıŋ oqu-jattyǧuy kezınde 17 äskeri qyzmetşını Kaspii teŋızıne tolqyn alyp ketken. Üşeuı qūtqarylyp, 14 äskeri qyzmetşı qaza tapty. Oqiǧaǧa bailanysty qylmystyq ıs qozǧalyp, bes äskeri qyzmetşı küdıktı dep tanyldy. Qaiǧyly jaǧdaidyŋ sebepterın anyqtau üşın Ükımettık komissiia qūryldy. Prezident Qasym-Jomart Toqaev qaiǧyly jaǧdaidan soŋ qorǧanys ministrlıgındegı ısterdıŋ jai-küiıne keşendı tekseru jürgızu jönındegı arnaiy komissiia qūruǧa tapsyrma bergen. Komissiia alǧaşqy aptadan-aq Memleket basşysyna tekserıs nätijesı boiynşa esep beruı tiıs dep habarlanǧan.
Bügın jaŋa basşysy taǧaiyndalǧan Bas ştabtyŋ qyzmetı mynandai bolyp keledı.
- jedel-strategiialyq josparlaudy, Qaruly Küşterdıŋ jauyngerlık jəne kündelıktı qyzmetın qoldanu men oǧan basşylyqty jüzege asyrady, olardyŋ jauyngerlık qūramyn aiqyndaidy;
- basqa memlekettık organdarmen bırlesıp, Qazaqstan Respublikasynyŋ qorǧanys josparyn äzırleidı;
- Qazaqstan Respublikasy Qaruly Küşterı Joǧarǧy Bas Qolbasşysynyŋ direktivalaryn äzırleidı, äskerlerdı josparlaudy, daiyndaudy jäne jūmyldyra örıstetudı jüzege asyrady;
- jūmyldyru daiyndyǧy salasyndaǧy uäkılettı organmen kelısu boiynşa Qaruly Küşterdıŋ jūmyldyru josparyn äzırleidı;
- Qaruly Küşterdı jauyngerlık jäne jūmyldyru daiarlyǧynda ūstap tūru jönındegı ıs-şaralardy ūiymdastyryp, jürgızedı;
- Qazaqstan Respublikasynyŋ äue keŋıstıgın küzetu men qorǧaudy ūiymdastyrady jäne qamtamasyz etedı;
- qorǧanysty ūiymdastyru salasynda Qaruly Küşterdıŋ basqa da əskerlermen jəne əskeri qūralymdarmen özara ıs-qimyl jasauyn ūiymdastyrady jəne jüzege asyrady;
- Qaruly Küşterdı qoldanu qaǧidalaryn, Qazaqstan Respublikasynyŋ aumaǧyn jedel jabdyqtau qaǧidalaryn jäne Qazaqstan Respublikasynyŋ qorǧanysyn josparlau qaǧidalaryn əzırleidı;
