بۇگىن، 23 قىركۇيەكتە مەملەكەت باسشىسى قاسىم-جومارت توقاەۆتىڭ جارلىقتارىمەن قازاقستان رەسپۋبليكاسى كونستيتۋتسيالىق سوتىنىڭ ون سۋدياسى تاعايىندالدى. بۇل تۋرالى اقوردا جاريالادى، دەپ حابارلايدى "ادىرنا".
مەملەكەت باسشىسىنىڭ جارلىقتارىمەن:
- ساكەن ابدوللا;
- ءلايلا سۇلتانقىزى جاقاەۆا;
- قايرات تولەگەنۇلى جاقىپباەۆ;
- ايجان ەرجانقىزى جاتقانباەۆا;
- ايگۇل قۋانىشبايقىزى قىدىرباەۆا;
- قانات سەرگەيۇلى مۋسين;
- باقىت ماراتۇلى نۇرمۇحانوۆ;
- سەرگەي ۆاسيلەۆيچ سكريابين;
- اسلان سۋلتانوۆيچ تۋكيەۆ;
- سەرگەي فەدوروۆيچ ۋدارتسەۆ تاعايىندالدى.
پرەزيدەنت جارلىقتارى شىققانعا دەيىن قۇرىلتاي دەپۋتاتتارى پلەنارلىق وتىرىستا كونستيتۋتسيالىق سوت سۋديالارىن تاعايىنداۋعا كەلىسىم بەردى.
كانديداتۋرالاردى پرەزيدەنت اكىمشىلىگىنىڭ باسشىسى رومان سكليار تانىستىردى:
"قازاقستان رەسپۋبليكاسى كونستيتۋتسياسىنىڭ 56-بابىنا سايكەس كونستيتۋتسيالىق سوتتىڭ سۋديالارىن تاعايىنداۋ ءۇشىن قۇرىلتايدىڭ كەلىسىمى قاجەت. مەملەكەت باسشىسىنىڭ تاپسىرماسىنا سايكەس كونستيتۋتسيالىق سوت سۋديالارى لاۋازىمىنا ون كانديداتۋرا ۇسىنىلىپ وتىر", – دەدى ول.
22 قىركۇيەكتە توقاەۆ قازاقستان حالىق كەڭەسىنىڭ ءبىرىنشى سەسسياسىن شاقىرۋ تۋرالى وكىمگە قول قويعان بولاتىن. سەسسيا 23–24 قىركۇيەكتە استانادا وتەدى.
