قازاقستاندىق شاحماتشى ءبيبىسارا اساۋباەۆا حالىقارالىق شاحمات فەدەراتسياسىنىڭ (FIDE) FIDE Excellence Awards سىيلىعىنىڭ «جىلدىڭ ۇزدىك شاحماتشىسى» اتالىمى بويىنشا ۇمىتكەرلەر تىزىمىنە ەندى، دەپ حابارلايدى "ادىرنا".
بۇل ماراپاتقا ۇمىتكەرلەر 2024 جىلدىڭ قىركۇيەگى مەن 2026 جىلدىڭ تامىزى ارالىعىنداعى جەتىستىكتەرىنە قاراي ىرىكتەلگەن.
بيبىسارامەن بىرگە بەدەلدى سىيلىققا قازىرگى الەم چەمپيونى تسزيۋي ۆەنتسزيۋن (قىتاي), الەمنىڭ ۆيتسە-چەمپيونى الەكساندرا گورياچكينا، الەم كۋبوگىنىڭ جەڭىمپازى ديۆيا دەشمۋح ء(ۇندىستان), بۇرىنعى الەم چەمپيونى تان چجۋني (قىتاي) جانە وزگە دە تانىمال شاحماتشىلار ۇسىنىلعان.
ەسەپتى كەزەڭدە اساۋباەۆا بىرقاتار ماڭىزدى جەتىستىكتەرگە قول جەتكىزدى. ول Norway Chess Women ءتۋرنيرىنىڭ جەڭىمپازى اتانىپ، 2026 جىلعى ۇمىتكەرلەر تۋرنيرىندە كۇمىس مەدال يەلەندى. سونىمەن قاتار قازاقستاندىق شاحماتشى FIDE Women’s Circuit رەيتينگىندە كوش باستاپ، مانسابىندا العاش رەت فيدە-ءنىڭ الەمدىك رەيتينگىندەگى ۇزدىك بەستىككە ەندى.
FIDE Excellence Awards سىيلىعىنىڭ جەڭىمپازدارى قىركۇيەك ايىندا وزبەكستاننىڭ سامارقاند قالاسىندا وتەتىن 46-شى دۇنيەجۇزىلىك شاحمات وليمپياداسى اياسىندا وتەتىن سالتاناتتى راسىمدە بەلگىلى بولادى.
