ارگەنتينا قۇراماسىنىڭ باس باپكەرى ليونەل سكالوني فۋتبولدان الەم چەمپيوناتىنىڭ يسپانياعا قارسى وتكەن فينالىنان كەيىن ۇلتتىق قۇرامانىڭ كوشباسشىسى ليونەل مەسسيگە جوعارى باعا بەردى، دەپ حابارلايدى "ادىرنا" ءتىلشىسى.
سكالوني الەم چەمپيوناتىنىڭ فينالىنداعى ناتيجەگە قاراماستان، مەسسيدىڭ الەمدەگى ەڭ ۇزدىك فۋتبولشى ەكەنىن اتاپ ءوتتى. ونىڭ ايتۋىنشا، 39 جاستاعى شابۋىلشى جوعارى دەڭگەيدە ونەر كورسەتۋدى جالعاستىرىپ كەلەدى جانە مانسابىن قاشان اياقتايتىنىن ءوزى شەشۋى ءتيىس.
«39 جاس ءۇشىن بۇل كەرەمەت كورسەتكىش. ول مانسابىن قاشان اياقتايتىنىن ءوزى شەشكەنگە دەيىن فۋتبول ويناي بەرەتىنىنە سەنىمدىمىن. كومانداداعى ارىپتەستەرى دە، ونىڭ اينالاسىنداعى ادامداردىڭ ءبارى دە ول ءۇشىن بارىن سالادى. ول ءوز كوماندالاستارىن ماقتان تۇتادى دەپ ۇمىتتەنەمىن. سونداي-اق جانكۇيەرلەر ۇلتتىق قۇراماسىن، مەسسيدى جانە ونىڭ فۋتبول ءۇشىن جاساعان بارلىق ەڭبەگىن ماقتان تۇتادى دەپ سەنەمىن. مەنىڭ ويىمشا، ول – فۋتبول الاڭىنا شىققان ەڭ ۇزدىك ويىنشى. بۇل الەم چەمپيوناتىنداعى ويىنى تاڭعالدىردى»، – دەدى ليونەل سكالوني.
باس باپكەردىڭ ايتۋىنشا، ليونەل مەسسيدىڭ فۋتبول اڭىزى رەتىندەگى مارتەبەسى الدەقاشان قالىپتاسقان.
