قر پرەزيدەنتى اكىمشىلىگىنىڭ جانە قالالىق ءماسليحات دەپۋتاتتارىنىڭ كەلىسىمىمەن استانا اكىمىنىڭ ورىنباسارى قىزمەتىنە تالعات راحمانبەردى بەكىتىلدى. وسىعان دەيىن ول استانانىڭ بايقوڭىر اۋدانىنىڭ اكىمى قىزمەتىن اتقارعان، دەپ حابارلايدى "ادىرنا".
تالعات راحمانبەردى ابايۇلى 1984 جىلى تۋعان. 2 جوعارى ءبىلىمى بار، زاڭگەر، ەكونوميست، زاڭ عىلىمدارىنىڭ كانديداتى.
ەڭبەك جولىن 2004 جىلى قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ جاستار ءىسى جونىندەگى كوميتەتىنىڭ توراعاسى بولىپ باستاعان.
ءار جىلدارى "استانا قالاسىنىڭ ستۋدەنتتىك قۇرىلىس جانە جاستار ەڭبەك جاساقتارىنىڭ شتابى" قوعامدىق بىرلەستىگىن باسقاردى. سونداي-اق قازاقستان رەسپۋبليكاسى باس پروكۋراتۋراسى ينستيتۋتىنىڭ (استانا قالاسى) قىلمىستىق پروتسەسس زاڭدىلىعى مەن جەدەل-ىزدەستىرۋ قىزمەتىن قاداعالاۋ بويىنشا بىلىكتىلىكتى ارتتىرۋ باسقارماسىندا اعا پروكۋرور، استانا قالاسى جاستار ساياساتى ماسەلەلەرى باسقارماسىنىڭ باسشىسى جانە وزگە دە قىزمەتتەردى اتقارعان.
2016 جىلدىڭ ساۋىرىنەن 2019 جىلدىڭ ناۋرىزىنا دەيىن استانا قالاسى سارىارقا اۋدانى اكىمىنىڭ ورىنباسارى بولدى.
2019 جىلدىڭ ءساۋىر ايىنان باستاپ استانا قالاسى اكىمى اپپاراتى باسشىسىنىڭ ورىنباسارى قىزمەتىن اتقاردى.
2019 جىلدىڭ تامىزىنان 2023 جىلدىڭ قىركۇيەگىنە دەيىن استانا قالاسىنىڭ قوعامدىق دامۋ باسقارماسى مەن ىشكى ساياسات باسقارماسىن باسقاردى، سونداي-اق قالا اكىمىنىڭ كەڭەسشىسى بولدى.
2023 جىلعى 18 قازاننان باستاپ بايقوڭىر اۋدانىنىڭ اكىمى قىزمەتىن اتقاردى.
مەملەكەت باسشىسىنىڭ تاپسىرمالارىن ىسكە اسىرۋ اياسىندا استانا قالاسىنىڭ اكىمى جەڭىس قاسىمبەك تالعات راحمانبەردىگە قالانى جۇيەلى دامىتۋعا باعىتتالعان بىرقاتار مىندەت جۇكتەدى.
