QR Prezidentı Äkımşılıgınıŋ jäne qalalyq mäslihat deputattarynyŋ kelısımımen Astana äkımınıŋ orynbasary qyzmetıne Talǧat Rahmanberdı bekıtıldı. Osyǧan deiın ol Astananyŋ Baiqoŋyr audanynyŋ äkımı qyzmetın atqarǧan, dep habarlaidy "Adyrna".
Talǧat Rahmanberdı Abaiūly 1984 jyly tuǧan. 2 joǧary bılımı bar, zaŋger, ekonomist, zaŋ ǧylymdarynyŋ kandidaty.
Eŋbek jolyn 2004 jyly Qoja Ahmet Iаsaui atyndaǧy Halyqaralyq qazaq-türık universitetınıŋ Jastar ısı jönındegı komitetınıŋ töraǧasy bolyp bastaǧan.
Är jyldary "Astana qalasynyŋ studenttık qūrylys jäne jastar eŋbek jasaqtarynyŋ ştaby" qoǧamdyq bırlestıgın basqardy. Sondai-aq Qazaqstan Respublikasy Bas prokuraturasy institutynyŋ (Astana qalasy) qylmystyq prosess zaŋdylyǧy men jedel-ızdestıru qyzmetın qadaǧalau boiynşa bılıktılıktı arttyru basqarmasynda aǧa prokuror, Astana qalasy Jastar saiasaty mäselelerı basqarmasynyŋ basşysy jäne özge de qyzmetterdı atqarǧan.
2016 jyldyŋ säuırınen 2019 jyldyŋ nauryzyna deiın Astana qalasy Saryarqa audany äkımınıŋ orynbasary boldy.
2019 jyldyŋ säuır aiynan bastap Astana qalasy äkımı apparaty basşysynyŋ orynbasary qyzmetın atqardy.
2019 jyldyŋ tamyzynan 2023 jyldyŋ qyrküiegıne deiın Astana qalasynyŋ Qoǧamdyq damu basqarmasy men Işkı saiasat basqarmasyn basqardy, sondai-aq qala äkımınıŋ keŋesşısı boldy.
2023 jylǧy 18 qazannan bastap Baiqoŋyr audanynyŋ äkımı qyzmetın atqardy.
Memleket basşysynyŋ tapsyrmalaryn ıske asyru aiasynda Astana qalasynyŋ äkımı Jeŋıs Qasymbek Talǧat Rahmanberdıge qalany jüielı damytuǧa baǧyttalǧan bırqatar mındet jüktedı.
