Nazarbaevtyŋ synyptasyna sotta bırden ekı aiyp taǧyldy

4319
Adyrna.kz Telegram
https://adyrna.kz/content/uploads/2023/07/b2df7834-b519-4e14-9c8b-861cdd8823de.png
Elordada Almaty qalasynyŋ eks-äkımı, «Nūr Otan» (qazırgı «Amanat») partiiasy töraǧasynyŋ bırınşı orynbasary bolǧan Bauyrjan Baibektıŋ äkesı Qydyrǧali Baibekke qatysty ekı sot ısı qozǧaldy, dep habarlaidy «Adyrna» tılşısı. Äkımşılık qūqyq būzuşylyq ısterı jönındegı mamandandyrylǧan audanaralyq soty bırınşı ıstı 26 mausymda qabyldaǧan. Al sot prosesı 11 şıldede beinebailanys arqyly ötuı kerek edı. Baibektıŋ äkesıne Äkımşılık qūqyq būzuşylyq turaly kodekstıŋ 319-baby boiynşa aiyp taǧyldy. Osy bapta tiıstı jerge qūqyqsyz öndırıstık, tūrǧyn üi, şaruaşylyq, gidrotehnikalyq (su şaruaşylyǧy) nemese şaruaşylyq-tūrmystyq obektılerdı zaŋsyz salu anyqtalǧan. Baptyŋ sanksiiasy zaŋsyz salynǧan jäne qūrylysty mäjbürlep būzumen nemese aiyppūl saludy qarastyrady. Sonymen qatar, Qydyrǧali Baibekke taǧylǧan taǧy bır aiyp ÄQBtK-nıŋ 463-babynyŋ bırınşı bölıgı boiynşa qaralady dep kütılude. Äkimşilik qūqyq būzuşylyq turaly būl bap tiisti tirkeusiz, rūqsatsyz nemese habarlama jıbermei käsıpkerlık nemese özge de qyzmetpen ainalysu, sondai-aq äreketterdi jüzege asyrudy qarastyrady. Aita keteiık, Qydyrǧali Baibek köpşılıkke Almatynyŋ eks-äkımı Bauyrjan Baibektıŋ äkesı jäne Nūrsūltan Nazarbaevtyŋ synyptasy retınde tanymal. Ol temırjol salasynda eŋbek etken.
Pıkırler