Şymkentte qala äkımınıŋ orynbasary Ruslan Berdenovke jasalǧan qastandyq ısıne bailanysty sot prosesı jalǧasyp jatyr. Is boiynşa aiyptaluşy Erlan Jiembai sotta öz nūsqasyn aityp, mälımdeme jasady, dep habarlaidy "Adyrna" ūlttyq portaly.
Sot otyrysy aşyq rejimde memlekettık tılde ötıp jatyr. Ruslan Berdenov sotqa qatyspady, sebebı qazırgı taŋda emdelıp jatyr. Būl turaly onyŋ ökılı Jeŋıs Tynybek mälımdedı.
Aiyptaluşynyŋ aituynşa, qaqtyǧystyŋ basy 2024 jyldyŋ nauryzynda bastalǧan. Berdenov onyŋ äielı Luiza Aldanovanyŋ Instagram-daǧy suretıne laik basyp, "Sen ädemısıŋ" dep pıkır qaldyrǧan. Būl habarlama otbasy ışınde janjal tuǧyzǧan.
Jūmys barysynda da Jiembai men Berdenov arasynda joǧary deŋgeidegı janjal bolǧan. Aiyptaluşynyŋ aituynşa, bır künı Berdenov ony kabinetıne şaqyryp, "Sen qaidan şyqtyŋ?" degen siiaqty qorlau sipatyndaǧy sözder aitqan. Tıptı, "Sen türmege ketesıŋ, äielıŋ jezökşe bolady, balalaryŋ jetım qalady" dep auyr sözder aitqany mälımdeldı.
Erlan Jiembai oq atudy aldyn ala josparlamaǧanyn aityp, özın killer retınde paidalanǧysy kelgen adamdar bolǧanyn mälımdedı. Onyŋ aituynşa, Ruslan Berdenov odan Ǧabit Syzdyqbaevty aiyptaityn jalǧan mälımdeme jasauyn sūraǧan.
«Sen sony aitsaŋ, men senı keşıremın, qūtqaramyn» dedı dep aitty ol.
Aiyptaluşy oqiǧa kezınde mas bolmaǧanyn, tek qymyz ışkenın aitty.
Eske sala ketsek, 2024 jyldyŋ köktemınde Ruslan Berdenovke qaruly şabuyl jasalǧan bolatyn. Küdıktı retınde onyŋ būrynǧy qyzmetkerı Erlan Jiembai ūstaldy. Qazır būl ıs boiynşa qosymşa tergeu talap etılıp otyr.
