AQŞ soty Auǧanstan azamaty Mohammad Şarifullany 20 jylǧa bas bostandyǧynan aiyrdy, dep habarlaidy “Adyrna”.
AQŞ deregınşe, ol «İslam memleketı – Horasan» (İGİL-H, Qazaqstanda tyiym salynǧan ūiym) terroristık tobyna şamamen on jyl boiy kömektesken.
Tergeu mälımetınşe, Şarifulla sodyrlarǧa avtomat Kalaşnikovpen jūmys ısteu jönınde nūsqaulyq bergen jäne şabuyl kezınde olarmen bailanysta bolǧan. Ol 2024 jylǧy 22 nauryzda Mäskeudegı «Krokus Siti Hollda» jasalǧan şabuylǧa qatysuşylarmen bailanys ornatqan.
Sonymen qatar, 2021 jyly Kabul äuejaiynyŋ Abbey Gate qaqpasynda bolǧan jarylysqa deiın Şarifulla äuejaiǧa baratyn joldy barlap, «Taliban» baqylau beketterınıŋ joq ekenın top basşylyǧyna habarlaǧan. Jarylystan 13 amerikalyq äskeri qyzmetşı jäne şamamen 160 beibıt tūrǧyn qaza tapqan.
AQŞ ädılet ministrlıgınıŋ mälımetınşe, Şarifulla 2016–2025 jyldar aralyǧynda onnan astam terroristık şabuylǧa qatysqan. Ol barlau jūmystaryn jürgızıp, jankeştılerdı tasymaldaǧan, qaru jetkızgen jäne jarylystardy terroristık nasihat üşın tüsırgen.
Şarifulla 2025 jyly ūstalǧan.
