Saýd Arabııasy óz barlaý qyzmetine silteme jasap, Iran daıyndalyp jatqan shabýyl týraly habarlady. Bul týraly The Wall Street Journal jazdy, dep habarlaıdy “Adyrna” tilshisi.
Áleýmettik jelilerde Iranda meshit kúmbezi ústinde qyzyl tý kóterilgeni túsirilgen vıdeolar tarap jatyr. Bul kek alý nıetin bildirýi múmkin deıdi jeli qoldanýshylary.
Saýd Arabııasy AQSh pen Iran jaqyn arada shabýyl jasaıtyny týraly eskertetin barlaý derekterin bólisken. Osydan keıin Taıaý Shyǵystaǵy AQSh pen basqa da áskerı kúshterdiń jaýyngerlik daıyndyq deńgeıi qaralǵan.
Basylym resmı ókilderge silteme jasap, Saýd Arabııasy, AQSh jáne basqa da birqatar kórshiles memleket qarýly kúshteriniń jaýyngerlik ázirlik deńgeıin arttyrǵanyn habarlady. Olar Saýd Arabııasynyń barlaý qyzmeti týraly tolyq málimet bermegen.
Buǵan deıin Tegeran AQSh, Ulybrıtanııa, Izraıl jáne Saýd Arabııasyn elde sherýler uıymdastyrdy dep aıyptaǵan bolatyn.
Eske salaıyq, Iranda sońǵy ret qyzyl tý 2020 jyldyń qańtarynda kóterilip, "Ál-Qýds" arnaıy kúshteriniń qolbasshysy Kasem Súleımanı óltirilgen bolatyn. Birneshe kúnnen keıin Iran AQSh-tyń Iraktaǵy eki nysanyna: eldiń batysyndaǵy "Aın-ál-Asad" áýe bazasy men soltústigindegi Erbıl provınııasyndaǵy aerodromǵa soqqy berdi.
