ساۋد ارابياسى ءوز بارلاۋ قىزمەتىنە سىلتەمە جاساپ، يران دايىندالىپ جاتقان شابۋىل تۋرالى حابارلادى. بۇل تۋرالى The Wall Street Journal جازدى، دەپ حابارلايدى “ادىرنا” ءتىلشىسى.
الەۋمەتتىك جەلىلەردە يراندا مەشىت كۇمبەزى ۇستىندە قىزىل تۋ كوتەرىلگەنى تۇسىرىلگەن ۆيدەولار تاراپ جاتىر. بۇل كەك الۋ نيەتىن ءبىلدىرۋى مۇمكىن دەيدى جەلى قولدانۋشىلارى.
ساۋد ارابياسى اقش پەن يران جاقىن ارادا شابۋىل جاسايتىنى تۋرالى ەسكەرتەتىن بارلاۋ دەرەكتەرىن بولىسكەن. وسىدان كەيىن تاياۋ شىعىستاعى اقش پەن باسقا دا اسكەري كۇشتەردىڭ جاۋىنگەرلىك دايىندىق دەڭگەيى قارالعان.
باسىلىم رەسمي وكىلدەرگە سىلتەمە جاساپ، ساۋد ارابياسى، اقش جانە باسقا دا بىرقاتار كورشىلەس مەملەكەت قارۋلى كۇشتەرىنىڭ جاۋىنگەرلىك ازىرلىك دەڭگەيىن ارتتىرعانىن حابارلادى. ولار ساۋد ارابياسىنىڭ بارلاۋ قىزمەتى تۋرالى تولىق مالىمەت بەرمەگەن.
بۇعان دەيىن تەگەران اقش، ۇلىبريتانيا، يزرايل جانە ساۋد ارابياسىن ەلدە شەرۋلەر ۇيىمداستىردى دەپ ايىپتاعان بولاتىن.
ەسكە سالايىق، يراندا سوڭعى رەت قىزىل تۋ 2020 جىلدىڭ قاڭتارىندا كوتەرىلىپ، ء"ال-قۋدس" ارنايى كۇشتەرىنىڭ قولباسشىسى كاسەم سۇلەيماني ولتىرىلگەن بولاتىن. بىرنەشە كۇننەن كەيىن يران اقش-تىڭ يراكتاعى ەكى نىسانىنا: ەلدىڭ باتىسىنداعى "اين-ءال-اساد" اۋە بازاسى مەن سولتۇستىگىندەگى ەربيل پروۆينتسياسىنداعى اەرودرومعا سوققى بەردى.
