7 mausymda Jambyl oblysy Tūrar Rysqūlov audandyq soty deputat Jiguli Dairabaevty «jerüidı tartyp aldy» dep aiyptaǧan Sait Ruzievtıŋ aryzyn qanaǧattandyrdy, dep habarlaidy "Adyrna" ūlttyq portaly aikyn.kz-ke sılteme körsete otyryp.
Būǧan deiın äleumettık jelıde Jambyl oblysyndaǧy Merkı auylynyŋ tūrǧyny video jariialap, 140 million teŋgelık üiın «Jiguli Dairabaev zaŋsyz tartyp aldy» dep mälımdegen bolatyn. Onyŋ aituynşa, Dairabaev sot prosesıne aralasyp, üidı öz atyna räsımdegen. Al baspana ūjymdyq basqaruda bolǧandyqtan, Dairabaevqa kelısımsız berılmeuı kerek eken.
stan.kz-tıŋ habarlauynşa, audandyq sot ökılderı Sait Ruzievtıŋ şaǧymyn qanaǧattandyrǧan:
"Sait Ruzievtıŋ būrynǧy äielı Ruzieva men deputat Dairabaev arasyndaǧy satu-satyp alu kelısımşartynyŋ küşın joidy. Sonymen qatar üidı ortaq mülık dep tanyp, Sait Ruzievtıŋ ülesın zaŋǧa säikes belgıledı, – dep jauap bergen.Auǧan soǧysynyŋ ardagerı Sait Ruziev būrynǧy äielımen bırneşe jyl boiy sottasyp kelgen. Aituynşa, äiel onyŋ kelısımın almai, jalǧan qūjattar daiyndap, jerüidı Jiguli Dairabaevqa satyp jıbergen. Köp ūzamai Jiguli Dairabaev özın «jerüidı tartyp aldy» degen aiyptaudy joqqa şyǧarǧan edı. Deputat notarius arqyly jasalǧan kelısımşarttyŋ zaŋdy ekenın alǧa tartyp, üi ielerınıŋ qūqyǧy saqtalǧanyn mälımdegen. Sonymen qatar basylymnyŋ habarlauynşa, Jambyl oblysynda tūrǧyndar mäjılısmen Jiguli Dairabaevtyŋ myŋdaǧan gektar jerdı kepılge qoiyp, bankterden milliardtaǧan teŋge nesie alǧanyn mälımdegen edı. Al deputattyŋ özı nesie alǧan kompaniiada 5 jyl jūmys ıstegenımen, jer mäselesıne de mülde qatysym bolmady dep otyr.
"Adyrna" ūlttyq portaly
Ūqsas jaŋalyqtar
