AQŞ-tyŋ 22 ştatynyŋ bas prokurorlary jäne San-Fransisko qalasy men Kolumbiia okrugı prezident Donald Tramptyŋ azamattyq alu qūqyǧyn şekteuge baǧyttalǧan jarlyǧyn būǧattaudy talap etıp, sotqa şaǧym tüsırdı, dep habarlaidy "Adyrna" ūlttyq portaly "Amerika dausyna" sılteme jasap.
İnaugurasiia künı prezident jarlyqqa qol qoidy. Oǧan säikes kelesı aidan bastap AQŞ aumaǧynda düniege kelgen analary elde zaŋsyz jürgen nemese immigrasiialyq vizasy joq, al äkelerı AQŞ azamaty nemese tūraqty rezident bolyp tabylmaityn balalar avtomatty türde azamattyq almaidy.
Massachusets pen Niu-Gempşirdegı migranttardyŋ qūqyqtaryn qorǧaityn bırneşe ükımettık emes ūiymdar da Tramptyŋ jarlyǧyn konstitusiiaǧa qaişy dep tanudy talap etıp, sotqa şaǧym tüsırgen.
Istı qaraǧandar jyl saiyn AQŞ-ta ata-anasy el azamattary emes şamamen 150 000 bala düniege keletının atap öttı. Olar būl jarlyq jüzege asyrylǧan jaǧdaida balalardyŋ medisinalyq kömekke qoljetımdılıgınen aiyrylyp, deportasiia qaupıne ūşyrauy mümkın ekenın eskerttı.
Aq üi ökılderı sot prosesterıne daiyn ekendıkterın mälımdedı.
Prezident Tramp jarlyqqa qol qoiu kezınde azamattyq alu qūqyǧyn "oiǧa qonymsyz" dep atady.
"Köptegen şeteldıkter osy normany paidalanyp, AQŞ-qa kelıp bala tuyp, azamattyq alu mümkındıgın ızdeidı," – dedı ol.
Ūqsas jaŋalyqtar
