Qyrymdy tartyp alǵan biz emes, nege jazasyn biz tartýǵa tıispiz?!

5191
Adyrna.kz Telegram

Saıasattanýshy Talǵat Qalıev Qazaqstan Eýrazııalyq ekonomıkalyq odaq aıasynda EAEO-nyń Batysqa qarsy jaýap sankııalaryna qosylmaýy kerek dep sanaıdy. Bul týraly "Adyrna" ulttyq portaly habarlaıdy. 

Buǵan deıin Reseı Syrtqy ister mınıstriniń orynbasary Aleksandr Pankın Eýrazııalyq ekonomıkalyq odaqta Batys sankııalaryna jıyntyq jaýap ázirlenip jatyr, biraq bul DSU erejeleri turǵysynan zańdy bolýy kerek dep málimdedi.

Qazaqstandyq sarapshy óziniń Facebook paraqshasynda "EAEO Batys elderine jaýap sankııalaryn qoldanýy múmkin" degen habarlamaǵa qatysty pikir bildirdi.

"Eýropalyq avıakompanııanyń ushaǵyn órtegen biz emes, Qyrymdy anneksııalamadyq, tipti Navalnyıdy tutqyndaǵan da biz emes. Osylardyń barlyǵy oryn alǵannan soń da bizben eshkim keńespedi, birige sheshim qabyldaýǵa eshkim usynys tastamady. Demek, jıyntyq jaýapqa bizdiń qandaı qatysymyz bar?

Jalpy, biz halyqaralyq quqyqqa qaıshy keletin eshnárse jasaǵan joqpyz. Sonymen qatar, úsh onjyldyqtyń ishinde Qazaqstan óziniń mindettemelerin qaltqysyz oryndaı otyryp, boljamdy syrtqy saıasaty bar beıbitshilikti súıetin memleket ımıdjin yjdaǵattylyqpen qalyptastyrdy.

Bizge EQYU-nyń tóraǵalyǵy men BUU Qaýipsizdik Keńesiniń tóraǵalyǵy senip tapsyryldy, shyny kerek biz jaı qol alysyp otyrǵan memleket emespiz, qurmetke ıemiz. Qazaqstan stýdentteri álemniń túkpir-túkpirinde bilim alyp jatyr, ınvestorlardyń kópshiligi bizge úlken senim artady. Sondaı-aq biz AQSh-tyń elshiligin qum bóshkelerimen emes, gúlzarmen qorshap turǵan álemdegi sanaýly elderdiń biri, tipti bolmasa birimiz. Bul elimizdiń qaýipsizdik deńgeıiniń kórsetkishi.

Sonymen, biz EAEO-nyń qalǵan álemge qarsy sankııalaryna nege qosylýymyz kerek? Biz Qyrymda demalyp jatyrmyz ba, álde qonǵan ushaqtarynan paıdaǵa kenelip jatyrmyz ba? Osy ýaqytqa deıin Odaqqa múshe bolý biz úshin jaqsylyǵynan góri mınýsye kóp kórsetti. Eshkim bul ıntegraııalyq birlestikten ıdeologııalyq mazmun izdemeıdi.

Bizdiń kelissóz júrgizýshiler sankııalarǵa qosylmaý quqyǵymyzdy qorǵaý úshin jetkilikti kúshke, prınıpter men dálelderge súıenedi dep úmittenemin. Jeke ózim, temir perdeniń artynda otyryp, ózgege artylǵan jumystyń jaýapkershiligin alǵym kelmeıdi",-  dedi Talǵat Qalıev óz jeke paraqshasynda.

"Adyrna" ulttyq portaly

 

Pikirler