Talǧar audandyq soty Hasan Qasymbaevty adam ūrlau, auyr dene jaraqatyn keltıru jäne bopsalau ısı boiynşa kınälı dep tanyp, 12 jylǧa orta qauıpsızdıgı bar mekemede bas bostandyǧynan aiyruǧa ükım şyǧardy, dep habarlaidy "Adyrna" ūlttyq portaly Tengrinews.kz-ke sıltep.
Sot prosesıne taǧy bes küdıktı qatysty. Olarǧa da sol siiaqty baptar boiynşa 8-den 22 jylǧa deiıngı merzımge sot ükımı şyqty.
Sot soŋynda Qasymbaev özın kınälı dep sanamaitynynyn mälımdedı. Alaida sot onyŋ ötınışın qabyldamady.
Is materialy boiynşa, 2021 jyly jazda Talǧarda küdıktıler ūrys önerı boiynşa jattyqtyruşy Arman Älımovqa şabuyl jasap, ony Kendala auylynyŋ şetıne aparyp, soqqyǧa jyqqan. Qylmystyŋ sebebı – Älımovtyŋ «Qasymbaev men üşın avtoritet emes» degen sözı dep körsetılgen. Sonymen qatar, Qasymbaev käsıpker Ärıpjan Täjievten bır million teŋge talap etıp, ony soqqyǧa jyqqan.
Hasan Qasymbaev Talǧarda «Hutor» tobynyŋ basşysy dep atalady. Alaida būl toptyŋ resmi türde tırkelgenı nemese bar ekenı däleldengen joq. QR IIM jäne prokuratura ökılderı 2024 jyly būl aqparatty joqqa şyǧarǧan.
Aita keteiık, būǧan deiın Hasan Qasymbaevtyŋ tuystarynyŋ mälımdemesın jariialaǧan edık.
