Búgin, 12 sáýir Almaty qalalyq sotynda Ǵalymjan Jaqııanovtyń Tólen Toqtasynovqa qatysty talap aryzy boıynsha apellıaııalyq soty ótti. Azamattyq ister jónindegi alqa Almaty qalasy Medeý aýdandyq sotynyń sheshimin ózgerissiz qaldyrdy. Iaǵnı, Ǵalymjan Jaqııanovtyń aryzyn qanaǵattandyrmady, dep habarlaıdy “Adyrna” ulttyq portaly.
Eske salaıyq, byltyr Almaty qalasy Medeý aýdandyq sotyna Pavlodar oblysynyń eks-ákimi Ǵalymjan Jaqııanov eks-depýtat Tólen Toqtasynov pen onyń jubaıy Alma Toqtasynovaǵa qatysty, ıaǵnı ortaq kásiptegi úlesine jartylaı tólem retinde óz erkimen tólegen aqshany óndirý týraly talap aryz tastaǵan bolatyn.
Iaǵnı, Ǵalymjan Jaqııanov bıznes seriktesinen ALGT mońǵol kompanııasyndaǵy úlesi úshin 462 myń dollardy qaıtarýdy talap etken. Ol tólemniń 25%-yn ǵana tólegen. Jaqııanovtyń aıtýynsha, Toqtasynov ony satylyp jatqan úleske ıelik etpegendikten adastyrǵan kórinedi.
Sot jarty jylǵa sozyp, qorytyndysy 16 qańtar kúni jarııalandy. Nátıjesinde Tólen Toqtasynov jeńiske jetti.
Alaıda, sot sheshimine qanaǵattanbaǵan Jaqııanov Almaty qalalyq sotyna aryzdanyp, apellıaııaǵa bergen bolatyn.
Degenmen, búgingi sot birinshi ınstanııadaǵy sottyń sheshimin ózshgerissiz qaldyra otyryp, Jaqııanovtyń seriktestiktegi barlyq isterden habardar bolǵanyn aıtty. Alaıda odan aldyn Jaqııanov seriktestiktegi sharýadan habarsyzbyn degen.
«N.Isaeva tóraǵalyq etetin Almaty qalalyq sotynyń quramyna zańdy jáne ádil sheshim qabyldaýda adamgershilik pen obektıvtilik tanytqandary úshin alǵys aıtamyz!» - degen Alma Toqtasynova qarsylastary týraly ashyna sóıledi.
Aıta keteıik, Tólen Toqtasynov sot proesine qatysa almady. Qazir jaǵdaıy nasharlap, aýrýhanada em alýda. Bul týraly kásipker, ári eki taraptyń dosy Ahmetbek Nursıla Facebook paraqshasynda jazǵan edi.
«Tólen Toqtasynov dosym aýyr naýqasqa ushyryp qaldy. Ǵalymjan Jaqııanov pen Tagır Sısenbaev degen jasy úlken adamdarǵa "Ókpege qısa da, ólimge qımaıtyn qazaqtyń balasy edik, taǵdyry qyl ústinde turǵan, osy jaǵdaıǵa ózderiń jetkizgen atpal azamatty óz qoldaryńmen óltirgileriń kelmese toqtatyńdarshy" dep ólerdegi sózimdi aıtyp birneshe hat jazdym.
Ǵalymjan da, Tólen de dosym. Biraq "Platon meniń dosym, biraq men úshin aqıqat qymbat" dep Sokrat aıtqandaı men aqıqat jaǵyna shyqtym. «Eldestirmek elshiden» dep osy urysty toqtatýǵa bar kúshimdi saldym, basý aıttym, biraq bolmaı jatyr, ókinishke qaraı”, dep jazdy Ahmetbek Nursıla.
Aıta keteıik, buǵan deıin “Dostar daýy” arasyndaǵy tartystyń qalaı bastalǵany jáne sot barysyn birneshe ret jazǵan bolatynbyz.
