Almatyda baraholkada ornalasqan "Euraziia" sauda üiınıŋ qūryltaişysy eşqandai eskertusız sauda oryndaryn satyp jıbergen. Saldarynan 60-qa juyq adam tabys közınen aiyryluy mümkın. Būl turaly 31-arnanyŋ "İnformbiuro"baǧdarlamasy jariialady, dep habarlaidy “Adyrna” ūlttyq portaly.
Endı käsıpkerler qūqyq qorǧauşylardyŋ äreketsızdık tanytqanyna narazy. Sözderınşe, tergeu ūzaqqa sozylyp ketken
"Euraziia" sauda üiınıŋ ornynda aşyq bazar bolǧan, alaida ol 2014 jyly örtenıp ketken edı. Būl jaǧdaidan keiın sauda üiınıŋ iesı käsıpkerlermen kelısımşart jasasyp, ǧimarat salǧan. Al är käsıpker kem degende 50 myŋ dollar aqşa salyp, butikke ielık etetının däleldeitın klubtyq karta alypty. Alaida 2022 jyly özderıne eşteŋe tiesılı emes ekenın körsetetın hat alǧan.
"Ärine, aŋ-taŋ boldym. Sebebı jer telımın jalǧa alu merzımı bar, al merzım jyl saiyn jaŋartylyp, 31 jeltoqsanda aiaqtalady. Endı bızge eskertpe jıberıptı, mūnda "Euraziia" JŞS iesınıŋ bızben kelısımşartty būzatyny aitylǧan", – dedı zardap şekken käsıpkerlerdıŋ bırı Şahrizada Paltuşeva.
Keiınırek qūryltaişynyŋ saudagerlerge eskertpei nysandy 2022 jyldyŋ säuırınde satyp jıbergenı mälım boldy. Endı jaŋa qūryltaişy käsıpkerlerdı qosalqy jalgerlık boiynşa kelısım jasauǧa mäjbürlegen.
"Bız öz küşımızben menşık iesı qūqyǧy jarty jyl ışınde toǧyz adamǧa ötkenın bıldık. Mūny ne üşın ısteidı? Sebebı baǧany tüsırgısı keledı. Ǧimarattyŋ özı 5 milliard teŋge tūrady, al olar kelısımşartty 150 million teŋgege jasaǧan", – deidı advokat Tahir Madatov.
Käsıpkerler jeltoqsanda aryz tüsırgenımen, tek 3 aidan soŋ ǧana jäbırlenuşı dep tanylǧan. Onyŋ üstıne küdıktıler älı tergelmegen, salyq tekserısı jürgızılmegen deidı. Qazır ıstı Almaty qalasy Alatau audanynyŋ polisiiasy tergep jatyr.
"Bügıngı taŋda audan prokuraturasynyŋ kömegımen O. esımdı azamatqa halyqaralyq ızdeu jariialau mäselesı şeşılıp jatyr", – dedı Almaty polisiia departamentınıŋ resmi ökılı Saltanat Äzırbek.
Saudagerler tergeudıŋ ädıl jürıp, öz qūqyqtary qorǧalǧanyn talap etıp otyr.
https://www.youtube.com/watch?v=Th7zWaZeGzo
