Qairat Satybaldyǧa qatysty basty sot otyrysynyŋ uaqyty belgılendı. Būl turaly Astana qalasynyŋ qylmystyq ıster jönındegı audanaralyq sotynyŋ baspasöz qyzmetı mälımdedı, dep habarlaidy “Adyrna” ūlttyq portaly.
«Sotqa Qairat Satybaldyūlyna qatysty ıs tüstı. Basty sot otyrysy 2024 jyldyŋ 1 säuırıne saǧat 10.00-ge belgılendı», - delıngen habarlamada.
Qylmystyq jolmen alynǧan aqşany zaŋdastyru (jylystatu) boiynşa (QK-nıŋ 218-baby 3-bölıgınıŋ 3-tarmaǧy) aiyp taǧyldy.
Sot aşyq rejimde ötedı.
Aita keteiık, Nazarbaevtyŋ nemere ınısı Qairat Satybaldy 2022 jyly nauryzda ūstalǧan bolatyn. Qazaqstannyŋ sybailas jemqorlyqqa qarsy qyzmetı oǧan qatysty lauazymdyq ökılettıktı asyra paidalanu jäne "Qazaqtelekom" AQ-nyŋ qarajatyn asa ırı kölemde jymqyru faktılerı boiynşa qylmystyq ıstı tergegen.
Araǧa bır apta salmai Satybaldynyŋ būrynǧy äielı Gülmira Satybaldy da ūstaldy. Oǧan jäne basqa da tūlǧalarǧa reiderlık jolmen biznestı tartyp alu deregı boiynşa sotqa deiıngı tergeu amaldary bastaldy.
Byltyr 4 mamyrda Gülmira Satybaldy 7 jylǧa bas bostandyǧynan aiyryldy. 2023 jyldyŋ mausymynda Qyzylorda soty būrynǧy ükımdı nazarǧa alyp, kesılgen jazany auyr jazaǧa almastyru arqyly 8 jylǧa bas bostandyǧynan aiyrdy.
Antikor Gülmira Satybaldy käsıporyndardyŋ qatysu ülesterın zaŋsyz iemdenu, sonyŋ ışınde adam ūrlaumen ūştasqan ekı faktı boiynşa tergelgen. Jäbırlenuşıge keltırılgen zalal somasy 6,6 milliard teŋgeden asady. Tergeu kezınde aiyptaluşy memleketke 8 mln dollar kölemındegı qarjyny qaitardy.
Al 2022 jyly Satybaldy "Qazaqtelekomǧa" keltırgen şyǧyndy ötedı. Sol jyly 6 jylǧa sottaldy.
