سىرتقى ىستەر ءمينيسترى ەرمەك كوشەرباەۆ اقش مەملەكەتتىك حاتشىسى ماركو رۋبيومەن تەلەفون ارقىلى سويلەستى، دەپ حابارلايدى «ادىرنا» ءتىلشىسى.
مينيسترلىك مالىمەتىنشە، تاراپتار كەڭەيتىلگەن ستراتەگيالىق سەرىكتەستىك شەڭبەرىندەگى ەكىجاقتى كۇن ءتارتىبىنىڭ وزەكتى ماسەلەلەرىن، سونداي-اق مەملەكەت باسشىسىنىڭ G20 سامميتىنە قاتىسۋىنا وراي اقش-قا الداعى ساپارىنا دايىندىق بارىسىن ءسوز ەتكەن.
سۇحبات بارىسىندا كاسپي قۇبىر كونسورتسيۋمىنا (كقك) قاتىستى جاعداي دا ەگجەي-تەگجەيلى تالقىلانعان. الايدا سىرتقى ىستەر مينيسترلىگى اڭگىمەنىڭ ناقتى مازمۇنىن جاريالاعان جوق.
بۇعان دەيىن كاسپي قۇبىر كونسورتسيۋمى كقك-نىڭ تەڭىز تەرمينالىنا ۇشقىشسىز ۇشۋ اپپاراتتارىنىڭ شابۋىل جاساعانىن حابارلاعان بولاتىن.
23 شىلدەدە ەنەرگەتيكا مينيسترلىگى قارا تەڭىز اكۆاتورياسىنداعى كەمەلەردىڭ، ەكيپاجداردىڭ جانە قورشاعان ورتانىڭ قاۋىپسىزدىگىن قامتاماسىز ەتۋ ماقساتىندا كقك-نىڭ تەڭىز تەرمينالىنداعى تيەۋ جۇمىستارىن ۋاقىتشا توقتاتقانىن مالىمدەدى. ال 25 شىلدەدە كاسپي قۇبىر كونسورتسيۋمى جۇك جونەلتۋشىلەردەن مۇناي قابىلداۋدى جانە ونى نوۆوروسسيسك پورتىنداعى تەڭىز تەرمينالى ارقىلى جونەلتۋ وپەراتسيالارىن قايتا باستاعانىن حابارلادى.
