قازاقستاننىڭ سىرتقى ىستەر ءمينيسترى ەرمەك كوشەرباەۆ پەن ەۋروپالىق ديپلوماتيا باسشىسى كايا كاللاس تەلەفون ارقىلى سويلەسىپ، ەنەرگەتيكالىق ىنتىماقتاستىق پەن ەنەرگەتيكالىق رەسۋرستاردى جەتكىزۋ ينفراقۇرىلىمىن دامىتۋ ماسەلەلەرىن تالقىلادى، دەپ حابارلايدى "ادىرنا".
قازاقستان رەسپۋبليكاسىنىڭ سىرتقى ىستەر مينيسترلىگى مالىمەتىنشە، تاراپتار 23 ماۋسىمدا قازاقستان پرەزيدەنتى قاسىم-جومارت توقاەۆتىڭ بريۋسسەلگە جاساعان ساپارىنىڭ قورىتىندىسى بويىنشا قول جەتكىزىلگەن كەلىسىمدەردى تالقىلاعان.
اڭگىمە بارىسىندا ەكىجاقتى كۇن تارتىبىندەگى وزەكتى ماسەلەلەر، ساۋدا-ەكونوميكالىق بايلانىستاردى كەڭەيتۋ، ىنتىماقتاستىقتىڭ پەرسپەكتيۆالى باعىتتارى، سونداي-اق الداعى ەكىجاقتى جانە كوپجاقتى كەزدەسۋلەردىڭ كەستەسى قارالدى.
«ەنەرگەتيكا سالاسىنداعى ءوزارا ءىس-قيمىلعا جانە ەنەرگەتيكالىق رەسۋرستاردى جەتكىزۋدىڭ حالىقارالىق ينفراقۇرىلىمىن، ونىڭ ىشىندە كاسپي قۇبىر كونسورتسيۋمى (كقك) اياسىندا ودان ءارى دامىتۋ پەرسپەكتيۆالارىنا ەرەكشە نازار اۋدارىلدى»، – دەلىنگەن حابارلامادا.
تاراپتار سەرىكتەستىكتى ودان ءارى نىعايتۋعا مۇددەلى ەكەنىن راستاپ، ىنتىماقتاستىقتىڭ پەرسپەكتيۆالى باعىتتارىن كەڭەيتۋگە ءوزارا بەيىلدىلىگىن ءبىلدىردى.
