تالعار اۋدانىندا جاستار اراسىندا توعىزقۇمالاقتان قازاقستان رەسپۋبليكاسىنىڭ XXIV چەمپيوناتى مارەسىنە جەتتى. ءبىر اپتا بويى ەلىمىزدىڭ 15 وڭىرىنەن كەلگەن 100-گە جۋىق ۇزدىك سپورتشى قازاقستان چەمپيونى اتاعىمەن قاتار، قاراشا ايىندا تۇركيادا وتەتىن الەم چەمپيوناتىنا بەرىلەتىن جولدامالار ءۇشىن باق سىنادى.
جارىس U-19 جانە U-21 جاس ساناتتارى بويىنشا حالىقارالىق ەرەجەلەرگە سايكەس ءۇش ديستسيپلينادا – كلاسسيكا، راپيد جانە بليتس تۇرلەرىندە وتكىزىلدى. مۇنداي فورمات كلاسسيكالىق پارتيادا دا، ۋاقىت شەكتەۋلى ويىنداردا دا جوعارى ناتيجە كورسەتە الاتىن امبەباپ ويىنشىلاردى انىقتاۋعا مۇمكىندىك بەرەدى.
قازاقستان ۇلتتىق قۇراماسىنىڭ توعىزقۇمالاقتان مەملەكەتتىك جاتتىقتىرۋشىسى داۋلەت ابدىكارىموۆتىڭ ايتۋىنشا، بۇل چەمپيونات جاس سپورتشىلار ءۇشىن ۇلكەن سىناق بولدى.
«كوپتەگەن قاتىسۋشىلار ءۇشىن بۇل تۋرنير سپورتتاعى شەبەرلىكتى شىڭدايتىن ماڭىزدى كەزەڭگە اينالدى. مۇندا تەوريانى جاقسى ءبىلۋ نەمەسە ويىن تەحنيكاسىنىڭ مىقتى بولۋى جەتكىلىكسىز. ءارتۇرلى ديستسيپلينالارعا تەز بەيىمدەلىپ، پسيحولوگيالىق قىسىمدى ەڭسەرە العان سپورتشىلار عانا جەڭىسكە جەتەدى. وسىنداي جارىستاردا قازاقستان ۇلتتىق قۇراماسىنىڭ بولاشاق نەگىزگى قۇرامى قالىپتاسادى»، – دەدى ول.
الماتى وبلىسىنىڭ توعىزقۇمالاقتان اعا جاتتىقتىرۋشىسى ەربولات قىلىشباەۆ قازىرگى ويىنشىلاردىڭ باتىل ويىنىمەن جانە تىڭ شەشىمدەر قابىلداۋعا ۇمتىلىسىمەن ەرەكشەلەنەتىنىن اتاپ ءوتتى.
راپيد باعدارلاماسىنىڭ U-19 ساناتى بويىنشا قىزدار اراسىندا باتىس قازاقستان وبلىسىنىڭ وكىلى ساميرا ورازمۇحانبەت چەمپيون اتاندى. ەكىنشى ورىندى قوستاناي وبلىسىنان كەلگەن ايىم الىبەكقىزى، ءۇشىنشى ورىندى پاۆلودار وبلىسىنان قاتىسقان ارۋجان سالمەن يەلەندى. ال اتالعان سانات بويىنششا ۇلدار اراسىندا الماتى قالاسىنىڭ سپورتشىسى مەيىرلان نۇرلانۇلى جەڭىمپاز اتانسا، قوستاناي وبلىسىنىڭ نامىسىن قورعاعان ايدىن جاقيەۆ كۇمىس، پاۆلودار وبلىسىنان كەلگەن نادير احمەتوۆ قولا مەدالدى جەڭىپ الدى.
U-21 ساناتىندا قىزدار اراسىندا نۇراي مەكتەپحان (قىزىلوردا وبلىسى) چەمپيون اتاندى. ەكىنشى ورىن اقبوتا نامازعا (تۇركىستان وبلىسى), ءۇشىنشى ورىن اسەم داۋرەنبەكقىزىنا (قىزىلوردا وبلىسى) بۇيىردى. ۇلدار اراسىندا اقتوبە وبلىسىنىڭ وكىلى قايرات تۇراربەك التىن مەدال يەلەنسە، الماتى قالاسىنىڭ قاتىسۋشىسى ەلدار داكەن كۇمىس، اقتوبە وبلىسىنىڭ وكىلى الماس تىلەگەنوۆ قولا جۇلدەگەر اتاندى.
بليتس سايىسىندا U-19 ساناتىنداعى قىزدار باسەكەسىندە اباي وبلىسىنىڭ سپورتشىسى ايانا يساحان جەڭىسكە جەتتى. ەكىنشى ورىندى ساميرا ورازمۇحانبەت (باتىس قازاقستان وبلىسى), ءۇشىنشى ورىندى ديلناز جانات (پاۆلودار وبلىسى) يەلەندى. ال ۇلدار اراسىندا نادير احمەتوۆ (پاۆلودار وبلىسى) چەمپيون اتانسا، ماحمۇتجان ازيمحان (استانا قالاسى) كۇمىس، ايدىن جاقيەۆ (قوستاناي وبلىسى) قولا مەدال الدى.
U-21 ساناتىندا قىزدار اراسىندا ايانا تەمىربولاتوۆا (پاۆلودار وبلىسى) ءبىرىنشى ورىنعا قول جەتكىزدى. اقبوتا ناماز (تۇركىستان وبلىسى) كۇمىس، تالشىن تارعىنبەكوۆا (قوستاناي وبلىسى) قولا جۇلدەگەر اتاندى. ۇلدار اراسىندا الماتى وبلىسىنىڭ وكىلى ەرنۇر باتىر چەمپيون اتانىپ، ەلدار داكەن (الماتى قالاسى) ەكىنشى، دياس جانباۋ (اقتوبە وبلىسى) ءۇشىنشى ورىن الدى.
كلاسسيكا باعدارلاماسىندا U-19 قىزدار اراسىندا ساميرا ورازمۇحانبەت (باتىس قازاقستان وبلىسى) التىن مەدال جەڭىپ الدى. ۆيكتوريا بەليتسكايا (تۇركىستان وبلىسى) كۇمىس، ارۋجان سالمەن (پاۆلودار وبلىسى) قولا جۇلدەگە يە بولدى. U-19 ۇلدار اراسىندا ەرداۋلەت ورالباي (تۇركىستان وبلىسى) چەمپيون اتانسا، ەرسۇلتان جالعاسباي مەن ايدىن جاقيەۆ (ەكەۋى دە قوستاناي وبلىسىنان) جۇلدەلى ورىنداردى ءبولىستى.
U-21 قىزدار اراسىندا اقبوتا ناماز (تۇركىستان وبلىسى) چەمپيون اتاندى. ايانا تەمىربولاتوۆا (پاۆلودار وبلىسى) ەكىنشى، نۇراي مەكتەپحان (قىزىلوردا وبلىسى) ءۇشىنشى ورىن يەلەندى. ۇلدار اراسىندا ەلدار داكەن (الماتى قالاسى) التىن مەدالدى جەڭىپ الدى. الماتى وبلىسىنىڭ وكىلى ەرنۇر باتىر كۇمىس، اقتوبە وبلىسىنىڭ سپورتشىسى الماس تىلەگەنوۆ قولا مەدالعا يە بولدى.
15-17 جاس ارالىعىنداعى مەكتەپ وقۋشىلارى اراسىنداعى العاشقى الەم چەمپيونى، 2025 جىلعى ازيا ويىندارىنىڭ قولا جۇلدەگەرى جانە قازاقستاننىڭ بىرنەشە دۇركىن چەمپيونى بولعان ەرنۇر باتىر تۋرنيردەگى باسەكەلەستىكتىڭ وتە جوعارى بولعانىن ايتتى.
ء«ار پارتيا ەرەكشە زەيىن قويىپ، مۇقيات بولۋدى تالاپ ەتتى. قارسىلاستار وتە مىقتى دايىندالعاندىقتان، قاتەلەسۋگە جول جوق ەكەنىن سەزدىم. الماتى وبلىسىنىڭ نامىسىن ابىرويمەن قورعاپ، ەل چەمپيونى اتاعىن قايتا راستاعانىما قۋانىشتىمىن. جاتتىقتىرۋشىلارىما، كوماندامىزعا جانە قولداۋ كورسەتكەن بارشا جانكۇيەرلەرگە العىس ايتامىن»، – دەدى سپورتشى.
جالپىكوماندالىق ەسەپتە تۇركىستان وبلىسىنىڭ قۇراماسى چەمپيون اتاندى. ەكىنشى ورىندى الماتى قالاسىنىڭ كومانداسى، ال ءۇشىنشى ورىندى پاۆلودار وبلىسىنىڭ قۇراماسى يەلەندى.
