الماتىدا ءبىر ءۇيدىڭ 3 بالاسى ءىز-ءتۇسسىز جوعالىپ كەتتى. بۇل تۋرالى بلوگەر داۋلەت مۇقاەۆ instagram-داعى پاراقشاسىندا جازدى، دەپ حابارلايدى “ادىرنا” ۇلتتىق پورتالى.
ونىڭ ايتۋىنشا، جاسوسپىرىمدەر 25 قازان 10:00 شاماسىندا ۇيدەن شىعىپ، قايتا ورالماعان.
“الماتىلىقتار، دابىل! ءبىر ءۇيدىڭ 3 بالاسى جوعالدى. ارمان، يمانعالي، اقەركەنى كورگەن-بىلگەندەر بولسا پوليتسياعا حابارلاسىڭىزدار. 25 قازان تاڭعى 10-دار شاماسىندا ۇيدەن شىعىپ كەتكەن. ۇيلەرى نەگىزى تالعار جاقتاعى بەساعاشتا. سوڭعى رەت دۋمان ىقشام اۋدانىنداعى دۇكەننەن پيروجكي العان ەكەن. سودان بەرى ەشكىم كورمەگەن. اقەركەنىڭ ۇستىندە قىزعىلت كۋرتكا، ەكى ۇل قارا قۋرتكا كيگەن. تەلەفوندارى جوق. نەمەسە اكەسىنىڭ ءنومىرى: 8 (701) 413-49-70”، - دەپ جازدى ول.
