ورالدا 18 جاستاعى السۋ ەرماعامبەتوۆا سۋعا باتىپ بارا جاتقان 16 جاستاعى ءجاسوسپىرىمدى قۇتقارماق بولىپ، ءوزى كوز جۇمدى، دەپ حابارلايدى "ادىرنا" ءتىلشىسى.
"موي گورود" مالىمەتىنشە، وقيعا 16 شىلدە كۇنى جايىق وزەنىنىڭ رەمزاۋىت اۋدانىنداعى شومىلۋعا ارنالماعان جاعاجايدا بولعان. تۋىستارىنىڭ ايتۋىنشا، السۋ ءجۇزۋدى بىلمەسە دە، كومەككە شاقىرعان ءجاسوسپىرىمدى قۇتقارۋ ءۇشىن بىردەن سۋعا سەكىرگەن.
وقيعا كۇنى السۋ دوستارىمەن بىرگە مەديتسينالىق كوللەدجگە وقۋعا تۇسكەنىن اتاپ وتكەن. ءبىراز ۋاقىتتان كەيىن 16 جاستاعى ءجاسوسپىرىم تەرەڭىرەك ءجۇزىپ كەتىپ، كومەك سۇراي باستاعان. العاشىندا ونىڭ ءسوزىن ءازىل دەپ قابىلداعانىمەن، جاعدايدىڭ شىنايى ەكەنىن تۇسىنگەن السۋ سۋعا تۇسكەن. ءجاسوسپىرىم جاعاعا شىعىپ ۇلگەرگەنىمەن، السۋدى قۇتقارۋ مۇمكىن بولماعان.
تۋىستارىنىڭ سوزىنشە، وقيعا ورنىنا جەتكەن قۇتقارۋشىلار شامامەن 40 مينۋتتان كەيىن قىزدىڭ دەنەسىن اعىس بويىمەن 40 مەتر تومەن جەردەن تاپقان. دارىگەرلەر ونىڭ قايتىس بولعانىن راستاعان.
مارقۇممەن قوشتاسۋ ءراسىمى 20 شىلدە كۇنى ءوتتى. قۇزىرلى ورگاندار وقيعانىڭ ءمان-جايىن انىقتاۋدا.
